कोशी । सुनसरीको कोशी गाउँपालिकाका अध्यक्ष ऐयुब अन्सारीले हालै आएको बाढीका कारण सर्वसाधारणहरु प्रभावित भएपछि पालिकाले सम्पति करमा पचास प्रतिशत छुट दिने बताएका छन् ।
कोशी गाउँपालिका बाढीबाट प्रभावित भएपछि पालिकाले २०७८÷०७९ मा निर्धारण गरिएको सम्पति कर अर्थात मालपोत करमा पचास प्रतिशत छुट दिने घोषणा अध्यक्ष अन्सारीले गरेका हुन् ।
कोशी गाउँपालिकामा अब सर्वसाधारणहरुले सम्पति कर बुझाउँदा पचास प्रतिशत छुट पाउने भएको छन् ।
सुनसरीमा १२ वटा स्थानीय तहमा पहिलो पटक कोशी गाउँपालिकाले बाढीबाट प्रभावित भएपछि सर्वसाधारणहरुको लागि सम्पति करमा पचास प्रतिशत छुटको व्यवस्था गरिएको हो । केही दिन अघि अविरल वर्षाका कारण कोशी गाउँपालिकाका सर्वसाधारणहरुले लगाइएको धानवालीमा क्षति भएसँगै घरहरु डुवानमा परेपछि जनताको सहुलियतका लागि कोशी गाउँपालिकाका अध्यक्ष ऐयुव अन्सारीले सम्पति करमा पचास प्रतिशत छुटको व्यवस्था लागु गरेको बताए ।
कोशी गाउँपालिकामा बाढीबाट प्रभावित भएका घरधुरीको तथ्याङ्क संकलन गर्ने काम सम्पन्न भएकोले तत्काल उनीहरुलाई राहतको व्यवस्था मिलाउने र पालिकामा बुझाउने सम्पति करमा पचास प्रतिशत छुट दिएकोले लाभ लिनका लागि सबैलाई उनले आग्रह समेत गरेका छन् ।
