इनरुवा । सार्थक प्रयासको आयोजनामा सुनसरी क्याम्पस प्रसाशन, बिद्यार्थी तथा सार्थक प्रयास परिवारको सहभागितामा सुनसरी क्याम्पस परिसरमा सरसफाई तथा वृक्षारोपण कार्यक्रम सम्पन्न गरेको छ ।
शिक्षित, सु–सुचित, स्वस्थ, सभ्य समृद्ध समाज निर्माणका लागि ’सार्थक प्रयास’ भन्ने नाराका साथ इनरुवाको क्याम्पस परिसरमा सरसफाई तथा वृक्षारोपण कार्यक्रम सम्पन्न गरेको हो ।
सो क्याम्पस परिसरभित्र ५० वटा बिभिन्न फुलहरुको विरुवा रोपेका थिए । सो विरुवा उपलब्ध गराउने रोहित दर्नालललाई आयोजक संस्था सार्थक प्रयासले धन्यवाद दिएका थिए ।
कार्यक्रममा उत्तम चाम्लिङ्ग राई, राकेश निरौला, शंकरनाथ महाजु, शिव यादव, प्रकाश भट्टराई, ईश्वर पंडित लगायतका सहभागिता रहेका थिए ।
