इनरुवा । नेपाली कांग्रेस सुनसरी क्षेत्र नम्बर–४ का सभापति ऐयुव अन्सारीले नेपाली कांग्रेसको संठगठन सुदृढिकरण र जनताको सेवा गर्नका लागि पुनः सभापति पदमा उम्मेदवार बनेको बताएका छन् ।
सुनसरीको भोक्राहा नरसिंहको मोडेल चौकमा वडा सभापति र क्षेत्र प्रतिनिधिसँगको भेटघाट कार्यक्रमलाई सम्वोधन गर्दै सभापति ऐयुव अन्सारीले नेपाली कांग्रेसको संगठनलाई सुदृढ गर्दै अगाडी बढ्ने बताएका हुन् ।
नेपाली कांग्रेसको १४ औं महाधिवेशन अन्र्तगत मंसिर ३ गते र ६ गते हुने निर्वाचनमा प्रदेश सभा र प्रतिनिधिसभाका लागि उम्मेदवार भएकाहरुलाई जिताउन आवश्यक रहेको भन्दै सभापति अन्सारीले जनताको सेवा समर्पित रहेर कांग्रेसका संगठनलाई बलियो बनाउनका लागि सक्षम युवाहरुलाई टिममा समावेश गरेकोले आ–आफनो ठाउँबाट सहयोग गर्न अपिल समेत गरेका छन् ।
नेपाली कांग्रेसको सुनसरी क्षेत्र नम्बर–४ को सभापति एवं कोशी गाउँपालिकाका अध्यक्ष समेत रहेका अन्सारीले आफनो क्षेत्रका जनताको समस्या समाधान गर्दै सुकुम्वासी समस्या समाधानतर्फ पनि बढी केन्द्रीत भएकाले अगामी दिनमा भाषणमा होइन् काम गरेर देखाउने अठोट लिएको बताए ।
सुनसरी क्षेत्र नम्बर–४ मा आफु पुनः सभापति पदमा निर्वाचित भएपछि कांग्रेसको संगठनलाई मजबुत बनाई आफनो क्षेत्रलाई कांग्रेसमय बनाउने समेत उनले प्रतिवद्धता गरे ।
नेता तथा कार्यकर्ताहरुलाई झुठो आश्वासन नदिएकोले अगामी दिनमा काम गरेर देखाउने सक्ने क्षमता भएको उनले बताउँदै सुनसरी क्षेत्र नम्बर–४ को कार्यालय नभएकोले झोलामा बोकेर संगठन चलिरहेकोलाई आफु नेतृत्वमा आएपछि कार्यालय स्थापनासँगै लौकहीमा वीपी अध्ययन प्रतिष्ठानको भवन निर्माण गरेको दावी समेत गरे ।
नेपाली कांग्रेसको संगठनलाई बलियो बनाउनका लागि गफार अन्सारीलाई पुनः घर फर्काउन बेलामा अहिले कांग्रेसको १४ औं महाधिवेशन मा क्षेत्र नम्बर–४ को सभापति पदका उम्मेदवारले रोकेको कुरालाई समेत नेता तथा कार्यकर्ताहरुलाई स्मरण उनले गराएका थिए ।
नेपाली कांग्रेसको नेता गफार अन्सारीलाई नल्याएको भए आजको कांग्रेसको संगठनको अवस्था कस्तो होला ? भनेर प्रश्न समेत उनले गरे । कांग्रेसमा ल्याएर कांग्रेसको संगठनलाई बलियो बनाएको उदाहरण दिदै उनले अहिले कांग्रेसको तर्फबाट हरिनगरको अध्यक्ष भएर जिम्मेवारी सम्हाल्दै विकासको कामलाई अघि बढाएर नेपाल सरकारको तर्फबाट सुप्रवल जनसेवा श्री पदकबाट सम्मानित हुन लागेको समेत उनले बताए ।
नेपाली कांग्रेसभित्र इमान्दार, स्वच्छ छवि, क्रियाशिल नेता तथा कार्यकर्ताहरुलाई सम्मान गर्दै अवसर प्रदान गर्ने समेत उनले बताए । नेपाली कांग्रेसको संगठनलाई सुदृढिकरण अभियान र कांग्रेसको १४ औं महाधिवेशनको बेला चिन्ता लिनुपर्ने र विचल्ली हुनुपर्ने अवस्था नभएको समेत सभापति अन्सारीको भनाई छ ।
मंसिर ३ गते हुन लागिरहेको प्रदेशसभाको निर्वाचनमा सुनसरी क्षेत्र नम्बर–४ प्रदेश सभा ‘ख’ का सभापति हारुण अन्सारी, उपसभापति शिवहरी श्रेष्ठ, सचिव नजामुद्धिन अन्सारी(नइम) र बिष्णु मण्डल लगायतको टिमलाई बिजयी बनाउन समेत उनले अनुरोध गरेका थिए ।
सुनसरी क्षेत्र नम्बर–४ का निर्वाचित वडा सभापति र क्षेत्र प्रतिनिधिको बाक्लो उपस्थिती रहेको भेटघाट कार्यक्रममा क्षेत्र सभापति ऐयुव अन्सारीको टिमलाई बिजयी बनाउन आवश्यक रहेको र प्रदेश सभा ‘क’ का सभापति उपेन्द्र कट्वाल र प्रदेश सभा ‘ख’ का सभापति हारुण अन्सारीको टिमलाई बिजयी बनाउनुपर्नेमा वक्ताहरुले जोड दिएका थिए ।
सुनसरी क्षेत्र नम्बर–४ का सभापति पदमा ऐयुव अन्सारी, सचिवमा रोशन कुमार खड्का र जुगेश्वर यादव तथा सहसचिवमा जितेन्द्र यादव लगायतका पदाधिकारीहरुलाई प्रतिनिधि सभाको निर्वाचनमा अत्यधिक मतले विजयी गराउनुपर्नेमा मतदाताहरुले समेत जोड दिएका थिए ।
