गणेश कुमार यादव
इनरुवा । इनरुवा नगर प्याब्सन (निजी तथा आवासीय विद्यालय अर्गनाइजेसन नेपाल) को पदस्थापना कार्यक्रम सम्पन्न भएको छ ।
इनरुवा–३ जनक स्मृति माध्यमिक विद्यालयमा इनरुवा नगर प्याब्सनको पदस्थापना कार्यक्रम सम्पन्न भएको हो ।कार्यक्रममा प्रमुख अतिथि केन्द्रीय सल्लाहकार शंकर थापा,विशिष्ट अतिथी प्याब्सन प्रदेश–१ का सचिव सुमित
थापा,जिल्ला प्याब्सनका अध्यक्ष बिष्णु कोइराला, नव निर्वाचित प्याब्सनका पदाधिकारीहरु लगायत विभिन्न विद्यालयका प्रअ,शिक्षक,पुस्तक व्यवसाय,सञ्चारकर्मी लगायतको सहभागिता रहेको थियो ।
प्याब्सन सुनसरीका कोषाध्यक्ष दिपक कार्कीले इनरुवा नगर प्याब्सनमा निर्विरोध निर्वाचित पदाधिकारीहरुलाइ सपथ ग्रहण गराएका थिए ।
नव निर्वाचित अध्यक्षमा रमेश प्रसाद गुरागाइ, सचिव गंगाराम मण्डल, कोषाध्यक्ष लोकनारायण मेहता रहेका छन । त्यसैगरी सदस्यहरुमा हरिशरण साह,संतोष भट्टराई, अस्फाक आलम अन्सारी र करुणा श्रेष्ठलाई सपथ ग्रहण गराएर पदस्थापना गराएका थिए ।
कार्यक्रममा निवर्तमान अध्यक्ष मनोज कुमार यादवले बिदाइ तथा शुभकामना मन्तव्य राख्दै आफुले एक वर्ष राम्रोसँग काम गरेको र दुई वर्ष कोरोनाको कारणले चाहेको जति काम गर्न नसकेको दुखेसो समेत व्यक्त गरेका थिए । आफुले गर्न नसकेको काम नयाँ नेतृत्वमा आएका टिमले पुरा गर्ने विश्वास समेत व्यक्त गरे । आफुले देखेको सपना पूरा गर्न नसकेकोले इनरुवा प्याब्सनमा आएका निर्विरोध कार्यसमितिले पुरा गर्ने र आफुभन्दा फरक शैलीबाट काम गरी नमुना कार्य गर्न समेत उनले सुझाएका थिए ।
इनरुवा नगर प्याब्सनका अध्यक्ष रमेश प्रसाद गुरागाईले पुर्व नगर अध्यक्षको चिन्ता र सपनालाई पुरा गर्ने प्रतिवद्धता व्यक्त गर्र्दै सबैको साथ र सहयोगले सामुहिक रुपले अगाडी बढ्ने बताए । इनरुवा नगर प्याब्सनका विधालयहरुमो धेरै समस्याहरु रहेको उनले बताउँदै सहज तरिकाबाट अप्ठयारोलाई चिर्दै समस्या समाधान गर्दै अगाडी बढ्ने उनले बताए ।
