जुवाको अखडबाट कोशी गाउँपालिका ८ का वडा अध्यक्ष बिन्देश्वर यादवको सरकारी गाडी फेला

इनरुवा । सुनसरीको कोशी गाउँपालिका ८ का वडा अध्यक्ष बिन्देश्वर यादवले चढ्दै आएको सरकारी गाडी भारतिय प्रहरीले निण्न्त्रणमा लिएका छन् ।
भारतको भिमनगर पंचायत रानीगंज भन्ने ठाउँमा जुवातास खेल्न सरकारी गाडी सहित पुगेका कोशी गाउँपालिका ८ का वडा अध्यक्ष बिन्देश्वर यादवले चढ्दै आएको को १ ब १४७६ नम्बर यमहा कम्पनीको एनएस मोटरसाईकल भारतिय प्रहरीले नियन्त्रणमा लिएको बुझिईएको छ ।
कोशी गाउँपालिका वडा नम्बर–८ का वडा अध्यक्ष यादवले यस अघि पनि पटक पटक सरकारी सवारीसाधनको दुरुपयोग गर्दै आएका थिए । पछिल्लो पटक जुवाको अड्डामा भारतिय प्रहरीले छापामारी गर्दा कोशी गाउँपालिका वडा नम्बर–८ का वडा अध्यक्ष बिन्देश्वर यादवले चढ्दै आएको उक्त मोटरसाईकल फेला परेको हो ।
जुवाको अखडमा भारतिय प्रहरीले छापामारी गर्दा जुवा खेली रहेका वडा अध्यक्ष यादव भाग्न सफल भएपनि सरकारी गाडी भारतिय प्रहरीले नियन्त्रणमा लिएपछि यो रहस्य सार्वजानिक भएको छ ।
कोशी गाउँपालिकाले वडा अध्यक्षको लागि सवारी सुविधा दिएको को १ ब १४७६ नम्बरको मोटरसाईकल जुवाको अखडबाट फेला पारी अहिले उक्त मोटरसाईकल भारतको भिमनगर थानामा राखिएको छ ।
वडा अध्यक्ष यादवले पटक पटक सरकारी सवारी साधनको दुरुपयोग गर्दै आएको स्थानीयबासीहरुको आरोप छ ।