इनरुवा । नेपाली काङग्रेसका सभापति तथा प्रधानमन्त्री शेरबहादुर देउवाले सुनसरी क्षेत्र नम्वर २ को विकासका लागि प्रतिवद्ध रहेको बताएका छन् । सुनसरीको देवानगन्ज गाउँपालिका २ मा निर्माण भएको नव निर्मित कार्यालय भवनको उदघाटन कार्यक्रमलाई प्र्रमुख अतिथिको आशनबाट सम्बोधन गर्दै प्रधानमन्त्री देउवाले सो कुरा बताएका हुन् ।
उनले यस क्षेत्रमा देखिएको शिक्षा, स्वास्थ्य, कृषि, सिचाई, विकास निर्माण लगायतको समस्या समाधान गर्नका लागि आफू प्रतिवद्ध रहेको बताए । फरक प्रङसगमा बोल्दै प्रधानमन्त्री देउवाले पार्टीको १४ औं महाधिवेसनमा सर्वसम्मत प्रतिनिधि चयन गर्नका लागि निर्देशन दिएका छन् । प्रधानमन्त्री देउवाले बाकी रहेको क्षेत्र, जिल्ला, केन्द्रिय महाधिवेसन प्रतिनीधि र प्रदेश अध्यक्ष सहितका पदाधिकारी सर्वसम्मत रुपमा चयन गर्नका लागि निर्देशन दिदै सर्व सर्वसम्मत हुन नसकेको खण्डमा स्वच्छ प्रतिष्पर्धाको माध्यमबाट पदाधिकारी चयन गर्नका लागि गरेका हुन् ।
पार्टीको आन्तरिक निर्वाचनमा कडा प्रतिष्पर्धा भएको खण्डमा पार्टी भित्रैका नेता तथा कार्यकर्ताहरुमा द्धन्द सृजना हुने भएकाले त्यस तर्फ समेत ध्यान केन्द्रित गर्नका प्रधानमन्त्री देउवाले आग्रहका छन् । पार्टी भित्रको निर्वाचनमा कडा प्रतिष्पर्धा भएको खण्डमा आफू आफू बीच नै द्धन्दको सृजना हुने र आउने स्थानीय, प्रदेश र संघीय निर्वाचनमा पार्टीलाई क्षति हुने भएकाले त्यस तर्फ सोचनका लागि प्रधानमन्त्री देउवाले सम्पूर्ण नेता तथा कार्यकर्तालाई आग्रह गरेका छन् ।
कार्यक्रममा एक नम्वर प्रदेशका प्रमुख पर्शूराम खापुङग, पूूर्व उपप्रधानमन्त्री बिजयकुमार गच्छदार, सञ्चार तथा सूचना प्रविधि मन्त्री ज्ञानेन्द्रबहादुुर कार्की, नेपाली काङग्रेस एक नम्वर प्रदेशका संसदीय दलका नेता राजिव कोइराला, पूूर्व राज्यमन्त्री तथा संघीय संसद सिताराम मेहता, हरिनगर गाउँपालिकाका अध्यक्ष गफार अन्सारी, उपाध्यक्ष रिमझिमकुमारी भगत, सुुनसरीका प्रमुुख जिल्ला अधिकारी इन्द्रदेव यादव, सुनसरीका प्रहरी प्रमुुख संजयसिंह थापा लगायतको सहभागीता रहेको थियो । कार्यक्रम देवानगन्ज गाउँपालिकाका अध्यक्ष लालीप्रसाद मेहताको अध्यक्षतामा सम्पन्न भएको थियो भने कार्यक्रम सञ्चालन राजु मेहताले गरेका थिए ।
