इनरुवा । नेपाली काँग्रेसको १४ औं महाधिवेशन अन्र्तगत सुनसरी क्षेत्र नम्बर–४ क्षेत्रीय कार्यसमितिले इनरुवा कार्यक्षेत्र बनाएर पत्रकारीता गर्दै आएका तीन पत्रकारलाई सम्मान गरेको छ ।
क्षेत्रीय अधिवेशनमा संचारक्षेत्रबाट भुमिका निर्वाह गरेको भन्दै नेपाली कांग्रेस सुनसरी क्षेत्र नम्बर–४ क्षेत्रीय कार्यसमितिले तीन जना पत्रकारलाई सम्मान गरेको हो ।
निर्वाचनको गतिविधिलाई संचारको माध्यमबाट आम नागरिक समक्ष सकारात्मक सूचना प्रवाह गरेको र अधिवेशनभरी खेलेको भुमिकालाई कदर गर्दै सुनसरी–४ का नवनिर्वाचित क्षेत्रीय सभापति ऐयुव अन्सारीले दोसल्ला ओढाई तीन जना पत्रकारलाई सम्मान गरेका छन् ।
सम्मानित हुनेहरुमा सुनसरी अनलाइनका कार्यकारी सम्पादक टोमराज मेहता, स्मार्ट २४ न्यूज अनलाइनका अध्यक्ष एवम् प्रबन्ध निर्देशक तथा कार्यकारी सम्पादक नसीम अन्सारी र ब्लाष्ट दैनिकका संवाददाता तथा आवर कोशी अनलाइनका मिकाइल आलमलाई नवनिर्वाचित सभापति अन्सारीले तीनै जना पत्रकारलाई दोसल्ला ओढाएर सम्मान गरेका हुन् ।
अगामी दिनमा पनि जनता समक्ष सकारात्मक सूचना प्रवाह गरी नेपाली कांग्रेसको गतिविधिहरुलाई आ–आफना संचारमाध्यमबाट बाहिर ल्याईदिनका लागि क्षेत्रीय सभापति अन्सारीले अनुरोध गर्दै उत्तरोत्तर प्रगतिको कामना गरेका थिए ।
