इनरुवा । सञ्चार सूचना तथा प्रविधि मन्त्री ज्ञानेन्द्रबहादुर कार्कीले सुनसरी क्षेत्र नम्बर–४ मा आगामी दिनमा अझ कांग्रेसलाई मजबुत बनाउन आवश्यक रहेको बताएका छन् ।
सुनसरीको कोशी गाउँपालिका–१ लौकहीमा आयोजित सम्मान कार्यक्रमलाई सम्वोधन गर्दै आगामी दिनमा नेपाली कांग्रेसको संगठनलाई मजबुत बनाउन आवश्यक रहेको बताएका हुन् ।
नेपाल सरकारका प्रवक्ता समेत रहेका मन्त्री कार्कीले आयोजित नवनिर्वाचित पदाधिकारीहरुलाई सम्मान कार्यक्रमलाई सम्वोधन गर्दै नेपाली कांग्रेसको १४ औं महाधिवेशन अन्र्तगत सुनसरी क्षेत्र नम्बर–४ मा चुनावी प्रतिस्पर्धाबाट आएका नेतृत्वहरुले यु क्षेत्रमा कांग्रेसलाई बलियो बनाउनका लागि ठोस योजना र रणनीति बनाएर सबैको मन जित्न आवश्यक रहेको बताए ।
नेपाली कांग्रेसलाई सशक्त रुपमा अगाडी बढाउनका निमित नेतृत्वमा आएका नवनिर्वाचित पदाधिकारीहरुले भुमिका निर्वाह गर्नेमा विश्वस्त रहेको उनले बताए । सुनसरी क्षेत्र नम्बर–४ मा सबैको साझा पार्टी बनाउन यस क्षेत्रका जनताको दुःख सुखमा सदैव साथ सहयोगको भावना विकास गराउनका निमित उल्लेखनीय भुमिका निर्वाह गर्नका लागि उनले अनुरोध समेत गरे ।
नेपाली कांग्रेसको १४ औं महाधिवेशन अन्र्तगतको क्षेत्र अधिवेशनमा निर्वाचित हुन नसकेकाहरुलाई साथमा लिएर आगामी यात्रामा सँगसँगै लैजानुपर्ने उनको कथन छ । निर्वाचित हुन नसकेका नेता तथा कार्यकर्ताहरुले निर्वाचित भएकाहरुलाई साथ र सहयोग गरेर नेपाली कांग्रेस पार्टीलाई मजबुत बनाउनका लागि उनले आग्रह गर्दै पार्टीलाई सुदृढ गर्नका लागि योगदान पु¥याउने विश्वास लिएको संचारमन्त्री कार्कीको भनाई छ ।
जिल्लाको अधिवेशनमा नेतृत्व कस्तो नेतृत्व चुन्ने ? भन्ने प्रश्न गर्दै मन्त्री कार्कीले त्यसका निमित बिचार विमर्श र गम्भिर गरेर जिल्लाको नेतृत्व छनौट गर्न सबैलाई आग्रह समेत गरे । जिल्लाको अधिवेशनबाट छनौट गरेको नेतृत्व हाम्रा लागि हुने विश्वास समेत उनले व्यक्त गरे ।
जिल्ला नेतृत्वका लागि छलफल, बिचार विमर्श गरेर नेतृत्व छनौट गर्नुपर्ने उनले जोड दिदै व्यक्तिगत ईष्र्या र पुर्वाग्रहमा नलागेर त्यो भन्दा माथि उठनुपर्ने बताए । उनले भने, ‘अहिले सुनसरी जिल्लालाई कस्तो नेतृत्वको आवश्यकता छ ।’ कसलाई नेता बनाउन सके भने सुनसरी जिल्लाका सर्वसाधारणको सेवा गर्न सक्छ ।
त्यो कुरालाई केन्द्रमा राखेर जिल्लाको सभापति लगायतको नेतृत्व छनौट गर्ने विश्वास उनले व्यक्त गरे । नवनिर्वाचितहरुको कार्यकाल पुर्णसफलताको कामना गर्दै मन्त्री कार्कीले हिजोको कार्यकाल भन्दा फरक र उल्लेखनीय भुमिका रहने दिशातर्फ अगाडी बढ्न पनि उनले अनुरोध गरे ।
