इनरुवा । नेकपा माओवादी केन्द्र इनरुवा नगरपालिका वडा नम्बर–९ मा शुक्रवार नयाँ नेतृत्व चयनसँगै वडा अधिवेशन सम्पन्न भएको छ । सम्पन्न वडा कमिटिको अधिवेशनबाट इनरुवा–९ का युवा नेता प्रमोद यादवको अध्यक्षतामा २९ सदस्यीय कार्य समिति सर्वसम्मताबाट चयन भएको हो ।
वडा अधिवेशनबाट उपाध्यक्षमा सगिर मंसुरी, सचिव ममता कुमारी यादव, सहसचिव हेदर मियाँ, कोषाध्यक्ष दिपनारायण यादव(डिएन) रहेका छन् । त्यसैगरी सदस्यहरुमा लक्ष्मण यादव, शुक्र खत्वे(शर्मा), जयराम यादव, सन्जु यादव, सोनावती पौदार (यादव) , तैरुन खातुन, जलालुन खातुन, सफिना खातुन, करिम मंसुरी, नसिर मंसुरी, सलिम मंसुरी, इजराईल मंसुरी, महिम मिया, राजेश यादव, अबुल मंसुरी, नईम मंसुरी, बिष्णु खत्वे, अब्बास मंसुरी र प्रदिप यादव लगायतका सर्वसम्मतबाट चयन भएका हुन् । त्यसैगरी सोही अधिवेशनले नगर प्रतिनिधीमा हविब मंसुरी र जयकृष्ण यादवलाई चयन गरेको छ ।
वडा अधिवेशनमा नगर समिति संयोजक तोया गिरी पोदार, सचिवालय सदस्य जयकृष्ण यादव, शंकर सापकोटा र मजदुर नेता शुक्र खत्वे लगायतको सहभागिता रहेको थियो । हबिव मंसुरीको निवासमा वडा अधिवेशन सम्पन्न भएको थियो । वडा कमिटीको अधिवेशनले नेकपा माओवादी केन्द्र इनरुवा ९ को नयाँ नेतृत्व चयन गरेको छ ।
इनरुवा–९ का अध्यक्ष पदमा सर्वसम्मतबाट चयन भएका युवा नेता प्रमोद यादवले पार्टीको संगठनलाई बिस्तार गरी बलियो बनाउने कार्यमा जुटने बताए । अघिल्लो नेतृत्वभन्दा फरकशैलीमा पार्टीको योजना र रणनीति बनाई आगामी स्थानीय तहको निर्वाचनमा भुमिका निर्वाह गर्ने उनले प्रतिवद्धता व्यक्त गरेका छन् ।
नेकपा माओवादी केन्द्र इनरुवा नगरपालिका वडा नम्बर–९ ले आगाी दिनमा संगठन सुदृढिकरण गर्ने अभियानलाई तिब्रता दिने र यस पार्टीमा सर्वसाधारणहरुलाई आवद्ध गराई पार्टी सम्वन्धि जानकारी गराई फरक ढंगबाट आफुले पार्टीको गतिविधिहरुलाई जनतामाझ लैजाने उनले बताए ।
