टोमराज मेहता
इनरुवा । नेपाली कांग्रेसको १४ औं अधिवेशनअन्तर्गत सुनसरी जिल्ला कार्य समिति चयन गर्नका लागि आइतवार निर्वाचन सम्पन्न भएको छ । नेपाली कांग्रेसको १४ औं महाधिवेशन अन्र्तगत जिल्ला अधिवेशन शान्त वातावरणमा निर्वाचन सम्पन्न भएको हो ।
सुनसरीको इनरुवा–१ को जेल्ड फिल्डमा २ हजार ९ सय १८ मतदाता मध्ये २ हजार ७ सय ७४ जनाले मतदान गरेका छन् । सौहाद्रपुर्ण वातावरणमा निर्वाचन सम्पन्न भएको निर्वाचन आयोगले जनाएको छ ।
सुनसरी क्षेत्र नम्बर १ (क) बाट ४४० र क्षेत्र(ख) २६८ मत खसेको छ भने सुनसरी क्षेत्र नम्बर–२(क) बाट ३०३ र क्षेत्र नम्बर–२(ख) बाट ४५३ मत खसेको छ । त्यसैगरी सुनसरी क्षेत्र नम्बर–३(क) बाट ३४८ र क्षेत्र नम्बर–३(ख) बाट ३१८ मत खसेको छ भने सुनसरी क्षेत्र नम्बर–४(क) बाट ३०६ र क्षेत्र नम्बर–४(ख) बाट ३३८ मत गरी जम्मा २ हजार ७ सय ७४ मत खसेको जिल्ला निर्वाचन अधिकृत उत्तम पौडेलले जानकारी दिएका छन् ।
मतदान केन्द्रमा बिहान ८ बजेदेखी सुरु हुने भनिएपनि मतपत्र समयमै नछापिएको कारण तीन घण्टा ढिलो मतदान सुरु भएको थियो । मतदान ढिलो सुरु हुदाँ मतदाताहरु तीन घण्टा लाइनमा बसेर भएपनि मतदान गरेर घर फर्किएका थिए । मतपत्र समयमा उपलब्ध नहुँदा मतदाताहरुले चर्को घामको बाबजुत पनि लाइनमा लागेर मतदान गरेका थिए ।
नेपाली कांग्रसको जिल्ला अधिवेशनमा दुई समुहका उम्मेदवारहरु चुनावी मैदानमा उत्रिएका थिए । देउवा समुहबाट सभापति पदका उम्मेदवार संजय श्रेष्ठ सहितको प्यानल र कोइराला–पौडेल समुहबाट सभापति पदका उम्मेदवार केदार भण्डारीको प्यानल चुनावी मैदान उत्रिएको थियो ।
नेपाली कांग्रेसको १४ औं महाधिवेशन अन्र्तगत वडा, पालिका, प्रदेश र क्षेत्रमा अधिवेशन सम्पन्न भएपछि आइतवार सुनसरी जिल्लाको कार्य समिति चयन गर्नका लागि इनरुवामा मतदान कार्य सम्पन्न भएको हो ।
नेपाली कांग्रेसको १४ औं महाधिवेशनबाट चुनिएर आएका २ हजार ९ सय १८ मतदाताहरुले सुरक्षाकर्मीको कडा सुरक्षाको घेरामा मतदान गरेका थिए ।
संजय श्रेष्ठको प्यानलमा देउवा समुहबाट उपसभापति पदका उम्मेदवार गफार अन्सारी र महेश दत रहेका छन भने केदार भण्डारी प्यानलबाट उपसभापति पदमा पंकज महतो र नगेश चन्द्र राईबीच कडा प्रतिस्पर्धा रहेपनि मतपरिणामले जितको निश्चित गर्ने भएको छ ।
त्यसैगरी श्रेष्ठको प्यानलबाट सचिव पदका उम्मेदवार बिरेन्द्र साह र रन्जेश भट्टराई तथा भण्डारीको प्यानलबाट प्रमोद पोखरेल र माधव कुमार घिसिङ्गबीच चुनावी प्रतिस्पर्धा भएपनि मतगणना सुरु भएकोले आउने मत परिणामले उम्मेदवारहरुको बिजयी घोषणा हुनेछ ।
त्यसैगरी श्रेष्ठ प्यानलबाट सह–सचिव पदका उम्मेदवार मनिष कुमार राय र गणेश सुब्बा तथा भण्डारी प्यानलबाट गिरधारी साह र सुनिल कुमार साहबीच प्रतिस्पर्धा थियो । सहसचिव पदका अर्का उम्मेदवारहरु रमेश कटुवाल र कालुराम चौधरी पनि चुनावी मैदानमा उत्रिएका छन् । सह–सहचिव पदमा ६ जनाले उम्मेदवारी दर्ता गराएका थिए । अन्य पदका दुवै समुहका उम्मेदवाहरु पनि चुनावी मैदानमा उत्रिएका छन् ।
मतदाताहरुले आ–आफना प्यानलका उम्मेदवारहरुलाई बिजयी गराउनका लागि मतदान केन्द्रमा लाइनमा लागेर मतदान गरेका थिए ।
देउवा समुहका नेता तथा कार्यकर्ताहरुले सभापति पदका उम्मेदवार संजय श्रेष्ठको प्यानल बिजयी हुने चर्चा छ भने कोइराला–पौडेल समुहका सभापति पदमा उम्मेदवार केदार भण्डारीको प्यानल बिजयी हुने ठोकुवा गरेका छन् । २ हजार ७ सय ७४ मतगणना सकिएपछि मतपरिणाम आउने भएकाले सुनसरी कांग्रेसको नेतृत्वमा को बिजयी हुने भन्ने कुराको यकिन सक्छ ।
