इनरुवा । नेपाली कांग्रेस सुनसरीको समानुपातिक तर्फको सदस्य पदका लागि २१ जना निर्वाचित भएका छन् । नेपाली कांग्रेस १४ औं महाधिवेशन अन्र्तगत जिल्ला अधिवेशनको सम्पन्न मतगणनाबाट संस्थापन पक्षबाट १९ जना र संस्थापन इतर पक्षबाट २ जना निर्वाचित भएका हुन् ।
जिल्ला अधिवेशन गत आइतवार सुनसरीको इनरुवा–१ जेलफिल्डमा मतदान कार्य सम्पन्न भएको थियो भने मतगणना सुनसरी कांग्रेस पार्टी कार्यालय इनरुवामा २ हजार ७ सय ७४ मतगणना सम्पन्न भएपछि समानुपातिक तर्फको नतिजा मंगलवार बिहान सार्वजनिक भएको हो ।
नेपाली कांग्रेस सुनसरीको खस÷आर्य महिला सदस्यबाट संगिता कठायत ढकालले १२२८ मत र सविता नेपाल आचार्यले १२८९ मत प्राप्त गरेर बिजयी भएकी छिन् । उनीहरु संस्थापन पक्षधर हुन् ।
त्यसैगरी खस आर्य खुल्ला सदस्यबाट कपिल आचार्यले ११८३ मत र रोहित बहादुर थापाले ११६५ मत ल्याई बिजयी भएका हुन् । उनीहरुपनि संस्थापन पक्षधर हुन् ।
त्यसैगरी आदिवासी जनजाति महिला सदस्य तर्फबाट निशाकुमारी चौधरीले १३०८ मत, माया राईले १२३९ मत र इन्दिरा पलिखेले ११६१ मत ल्याई बिजयी भएकी छिन् । सदस्यमा चौधरी र राई संस्थापन पक्षधर हुन भने पलिखे संस्थापन इतर पक्षधर हुन् ।
त्यसैगरी आदिवासी जनजाति खुल्ला सदस्यबाट अजित राई ११७५ मत र मोहन कुमार श्रेष्ठले १०५२ मत र सुखदेव राईले १०३१ मत ल्याई बिजयी भएका हुन् । बिजयी अजित राई र मोहन कुमार श्रेष्ठ संस्थापन पक्षधर हुन भने सुखदेव राई संस्थापन इतर पक्षधर हुन् ।
त्यसैगरी मधेशी महिला सदस्यबाट रामवति महतोले १२८७ मत र रेखादेवी मण्डलले २०१८ मत ल्याई बिजयी भएकी छिन् । सदस्य पदमा बिजयी महतो र मण्डल पनि संस्थापन पक्षधर हुन् ।
त्यसैगरी मधेशी खुल्ला सदस्यबाट किशोर कुमार पालले १२०९ मत र मनोज कुमार यादवले १७४४ मत ल्याई बिजयी भएका हुन् । सदस्य पदमा बिजयी हुने पाल र यादव पनि संस्थापन पक्षधर हुन् ।
त्यसैगरी दलित महिला सदस्यतर्फ रिता सुन्दासले १०५४ मत ल्याई बिजयी भएकी छिन । सुन्दास पनि संस्थापन पक्षधर हुन् । त्यसैगरी थारु खुल्ला सदस्यतर्फ प्रकाश नारायण चौधरीले १०७४ मत र बिरनारायण माझी(चौधरी) ले २०२९ मत ल्याई निर्वाचित भएका छन् । निर्वाचित द्वोय चौधरी पनि संस्थापन पक्षधर हुन् ।
त्यसैगरी मुस्लिम महिला सदस्यतर्फ सहजादिप्रविण आलमले ११६३ मत ल्याई निर्वाचित भएकी छिन् भने मुस्लिम खुल्ला सदस्यतर्फ मो.नौसाद मियाँ १२६८ मत र मो.शमिम अन्सारीले १२६७ मत ल्याई निर्वाचित भएका हुन् । उनीहरु तीनैजना संस्थापन पक्षधर हुन् । त्यसैगरी अल्पसंख्यक वा अपाङ्ग सदस्यतर्फ देवेन्द्रबहादुर पोखरेलले १०८० मत ल्याई निर्वाचित भएका हुन् । पोखरेलपनि संस्थापन पक्षधर हुन् ।
नेपाली कांग्रेस सुनसरी सदस्यहरुमा समानुपातिकतर्फमा नवनिर्वाचित सभापति केदार भण्डारीको पक्षबाट २ जना र सभापति पदका उम्मेदवार संजय श्रेष्ठको पक्षबाट १९ जना निर्वाचित भएका हुन् ।
त्यसैगरी नेपाली कांग्रेस सुनसरीको सभापति केदार भण्डारी, उपसभापति नगेश चन्द्र राई र पंकज महतो तथा सचिव
पदमा माधव बहादुर घिसिङ्ग बिजयी भएका छन् । संस्थापन इतर पक्षबाट सभापति १ जना, उपसभापतिमा २ जना र सचिव पदमा १ जना, समानुपाति सदस्यतर्फ २ जना गरी हालसम्म ६ जना निर्वाचित भएका छन् ।
त्यसैगरी नेपाली कांग्रेस सुनसरीको सचिव पदमा बिरेन्द्र साह, सह–सचिव पदमा गणेश सुब्बा र मनिष कुमार राय बिजयी भएका छन् । अपाङ्ग केन्द्रीय महाधिवेशन प्रतिनिधिमा उपेन्द्र मेहता र अपाङ्ग प्रदेश महाधिवेशन प्रतिनिधिमा देवेन्द्र पौडेल बिजयी भएका छन् ।
संस्थापन पक्षबाट सचिव १ जना, सह–सचिव २ जना, अपाङ्ग केन्द्रीय महाधिवेशन प्रतिनिधिमा १ जना र अपाङ्ग प्रदेश महाधिवेशन प्रतिनिधिमा १ जना गरी ५ जना र समानुपाति सदस्यतर्फ १९ जना गरी हालसम्म २४ जना निर्वाचित भएका हुन् । नेपाली कांग्रेस सुनसरी कार्यसमितिको पालिका सदस्यहरुको मतगणना गर्न बाँकी रहेको निर्वाचन अधिकृत उत्तम पौडेलले जानकारी दिएका छन् ।
