इनरुवा । जिल्ला प्रहरी कार्यालय सुनसरीले लागुऔषध ब्राउन सुगर सहित दुई जनालाई नियन्त्रणमा लिएको छ । सुनसरी प्रहरीको टोलीले इनरुवा नगरपालिका–३ को महेन्द्र चौकबाट लागुऔषध ब्राउन सुगर सहित दुई जनालाई नियन्त्रणमा लिएको हो ।
इनरुवा नगरपालिका–३ महेन्द्र चौकमा पश्चिमवाट पुर्व तर्फ आउदै गरेको सरोज मन्सुरीले चलाएको को–५–प ३८१८ नम्बरको मोटर साइकलको पछाडी वस्ने हारुण मन्सुरीलाई चेकजाँज गर्दा उनीहरुको साथबाट खैरो हिरोईन ४ ग्राम ८५० मिलिग्राम बरामद गरेको सुनसरी प्रहरीले जनाएको छ ।
पक्राउ पर्नेहरु सरोज मन्सुरी र हारुण मन्सुरीलाई मोटरसाईकल सहित नियन्त्रणमा लिई उनीहरु विरुद्द लागुऔषध नियन्त्रण ऐन २०३३ वमोजिम कानुनी प्रकृया सुरु गरिएको सुनसरीका प्रहरी नायव उपरीक्षक नरेन्द्र कुमार कार्कीले बताएका छन् ।
त्यसैगरी इटहरी उपमहानगरपालिका–४ बाट लागु औषध व्राउन सुगर कारोबार हुदै छ भन्ने विशेष सुचनाको आधारमा ईलाका प्रहरी कार्यालय ईटहरीबाटखटि गएको टोलीले टिका राईको घरबाट र सोहि स्थान वस्ने वर्ष १९ को धनकुमार राईलाई लागू औषध किनबेच गरिरहेको अवस्थामा नियन्त्रणमा लिएको छ ।
उनीहरुको कोठा चेकजाच गर्ने क्रममा टिका राईको कोठाबाट प्लाष्टिकमा पोको पारी लुकाई छिपाई राखेको अवस्थामा अवैध लागूऔषध डाईजेपाम १० थान एम्पुल, लुपिजेसीक १० थान एम्पुल, फेनीरजेन १० थान एम्पुल र एभिल १० थान एम्पुल वरामद गरेको सुनसरी प्रहरीले जनाएको छ ।
पक्राउ परेका दुवैजनाहरुलाई लागुऔषध नियन्त्रण ऐन २०३३ वमोजिम सुनसरी जिल्ला अदालतवाट दिन ७ को म्याद थप गरि आवश्यक थप अनुसन्धान कार्य जारी रहेको सुनसरीका प्रहरी नायव उपरीक्षक कार्कीले जनाएको छ ।
विभिन्न समयमा जिल्लाको विभिन्न स्थानमा भन्सार छली ल्याईएको चिनि, सुर्ति, कपडा लगायतका समानहरु जिल्ला प्रहरी कार्यालय सुनसरीको टोलीले पक्राउ गरिएको एक लाख २३ हजार ९० रुपैयाँ बराबरको समानहरु बुधवार भन्सार कार्यालय सेतुवन्ध कोशी व्यारेजमा वुझाईएको छ ।
