इनरुवा । सुनसरीका प्रमुख जिल्ला अधिकारी इन्द्रदेव यादवले मिसावट मलखाद बिक्री वितरण गर्नेलाई कार्वाही गरिने प्रक्रिया अगाडी बढाएको बताएका छन् ।
केही समययतादेखी सुनसरी सदरमुकाम इनरुवा लगायत आपपासका क्षेत्रमा मलखादमा मिसावट गरेर बिक्रि वितरण गर्ने गरेको हुदाँ अनुसन्धान सुरु भएकोले त्यस्ता व्यक्तिलाई कार्वाही गरिने बताएका हुन् ।
सुनसरी अनलाइनसँग कुराकानी गर्दै सुनसरीका प्रमुख जिल्ला अधिकारी यादवले मिसावट मलखाद बिक्री वितरणले किसानहरु ठगिमा परेको हुदाँ अनुसन्धान सुरु गरिएको र दोषी ठहरे त्यस्ता व्यक्तिलाई ठगी मुद्दा चलाउने तयारीमा रहेको बताए ।
गहुँको सिजनमा मलखाद अभावका कारण समस्या हुन थालेपछि मलखाद बिक्री वितरण गर्ने पसलेहरुले मौकाको फाइदा उठाउँदै पोटासको बोरामा नुन र केही केमिकल मिसावट गरी बजारमा बिक्री वितरण गर्ने क्रम बढेपछि सुनसरी प्रशासनले कडाईका साथ निगरानी बढाएको हो ।
इनरुवा लगायत ग्रामिण क्षेत्रमा खुलेआम पोटासको बोरामा मिसावटयुक्त खाद बिक्री गर्ने गरेको र किसानहरुको गुनासो बढ्न थालेपछि ठगी गर्ने जोसुकैलाई ‘अन द स्पोट’ कार्वाही गर्ने सुनसरीका प्रमुख जिल्ला अधिकारी यादवले बताएका हुन् ।
केही महिना अघि आएको बाढीले किसानहरुले लगाएको बालीनाली क्षति भएको थियो । किसानहरुले लगाएको बालीनाली क्षति भएको हुदाँ लगानी गरेको आम्दानी समेत उठाउन नसकेको बेला अर्को फसल लगाउने बेलामा खादमा ठगिनु दुःखद कुरा भएको उनले बताए । मलखादको नाममा ठगि गर्नेे व्यक्तिहरुको खोजतलास भइरहेकोले किसानहरुलाई नआत्तिन प्रजिअ यादवले आग्रह गर्दै किसानहरुको समस्यालाई समाधान गर्नेतर्फ लागि परेको समेत उनले बताए ।
सुनसरीको दक्षिणी सीमावर्ती क्षेत्रको रामनगर भुटाहा, हरिनगरा, देवानगंज, कप्तानगंज, साहेवगंज, अमडुवा, घुस्की लगायतको ठाउँमा पोटासको बोरामा नुन र पोटास जस्तै देखिने केमिकल मिसावट गरी बोरा सिल प्याक गरी इनरुवा लगायतको पुर्वी बजारमा बिक्री वितरण भइरहेको किसानहरुले गुनासो गरेका छन् ।
भारतीय बजारमा मलखाद महँगोमा बिक्री वितरण हुनथालेपछि र भारतीय एसएसबी प्रहरीले सीमाक्षेत्रमा कडाई गरेपछि नेपाली बजारमा मलखादको अभाव भएको किसानहरुले गुनासो गरेका छन् । सीमावर्ती क्षेत्रका किसानहरुले भारतीय बजारबाट मलखाद ल्याई खेतवारीमा प्रयोग गर्ने गरेको भएपनि अहिले गहुँको सिजनमा मलखाद अभाव भएको मौका छोपी पसलेहरुले मिसावटयुक्त पोटास लगायतका मलखाद बिक्री वितरण गर्नेलाई अनुसन्धान गरी कार्वाही गर्न समेत किसानहरुले माग गरेका छन् ।
सुनसरीको गढी गाउँपालिका–६ का डा.राजकुमार यादवले माटो तथा मल परीक्षण प्रयोगशाला प्रदेश–१ मा पोटास परीक्षण गर्दा गुणस्तरहीन भएको प्रमाणित भएपछि सुनसरी प्रशासनले अनुसन्धान गरी कार्वाही प्रक्रिया अगाढी बढाई गलत गर्ने पाइएको व्यक्तिलाई ठगिको मुद्दा चलाउने तयारीमा रहेको छ ।
किसानहरुलाई ठगि गर्ने व्यापारीहरु, विक्री वितरण गर्ने पसल संचालक र मलखाद स्टोर गरी मिसावट गरी बजारमा पोटास लगायका मलखादहरु बिक्री वितरण गर्न कडा कार्वाही गरिने सुनसरीका प्रजिअ यादवको भनाई छ ।
