इनरुवा । सुनसरीको भोक्राहा नरसिंह गाउँपालिका वडा नम्बर–७ मा आगलागी हुदाँ ३० लाख भन्दा बढीको क्षति भएको छ । भोक्राहा नरसिंह–७ को यादव टोलमा मंगलवार आगलागी हुदाँ ९ वटा घर, खाधन्न समाग्री सहित चौपायाहरु जलेर पुर्णरुपले नष्ट भएको छ ।
भोक्राहा नरसिंह वडा नम्बर–७ का विष्णुदेव यादवको एक वटा घर, मोटरसाईकल र खाधन्न समाग्री सहित जेलेर नष्ट भएको छ । उनको तीन लाख भन्दा बढीको क्षति भएको हो ।
त्यसैगरी बिजय यादवको दुई वटा घर सहित खाधन्न समाग्री जेलर पुर्णरुपले नष्ट भएको छ । उनको घरमा ५ लाख भन्दा बढीको क्षतिको छ । त्यसैगरी सुर्य नारायण यादवको दुई वटा घर र खाधन्न समाग्री सहित ६ लाख भन्दा बढीको क्षति भएको छ ।
त्यसैगरी बेदनारायण यादव उर्फ तेजु को घरमा आगलागी हुदाँ एक वटा घर , खाधन्न समाग्री सहित ३ लाख भन्दा बढीको क्षति भएको छ ।
त्यसैगरी जितन यादवको घरमा आगलागी हुदाँ दुई वटा घर, खाधन्न समाग्री सहित पाँच लाख भन्दा बढीको क्षति भएको हो ।
त्यसैगरी भोक्राहा नरसिंह–७ का धर्मेन्द्र यादवको घरमा आगलागी हुदाँ १ वटा घर, खाधन्न समाग्री सहित तीन लाख भन्दा बढीको क्षति भएको हो । त्यसैगरी शिवनारायण यादवको एक वटा घर, खाधन्न समाग्री सहित तीन लाख भन्दा बढीको क्षति भएको हो ।
त्यसैगरी सुरेन्द्र यादवको टयाक्टरमा समान्य क्षति भएको छ भने नटाई यादवको घरमा आगलागी हुदाँ एक वटा घर जलेर पुर्णरुपले जलेर नष्ट भएको सुनसरी प्रहरीले जनाएको छ ।
सो यादव टोलमा आगलागी हुदाँ इनरुवा नगरपालिकाको बारुण यन्त्र र कोशी गाउँपालिकाको बारुण यन्त्र, जनपथ प्रहरी, सशस्त्र प्रहरी र स्थानीयबासीको सहयोगमा आगलागी नियन्त्रण गरिएको थियो ।
भोक्राहा नरसिंह–७ का अग्निपीडितहरुलाई नेपाल रेडक्रस सोसाईटी भोक्राहा नरसिंहले तत्काल राहत उपलब्ध गराएको छ । नेपाल रेडक्रस सोसाइटी भोक्राहा नरसिंहका सचिव रामकुमार मेहताले ९ जना आग्निपीडित परिवारलाई राहत समाग्री हस्तान्तरण गरेको र अरु सहयोगी संघसंस्थाहरुसँग समन्वय गरेर राहतका प्याकेज उपलब्ध गराउने प्रतिवद्धता व्यक्त गरेका छन् ।
भोक्राहा नरसिंह–७ का वडाध्यक्ष रामचन्द्र यादवले आगलागी भएको खबर सुन्ने बितिकै बारुण यन्त्र र प्रहरीलाई खबर गरेको बताए । अग्निपीडितहरुलाई वडा कार्यालाय र गाउँपालिकाबाट पनि राहत समाग्री उपलब्ध गराउने प्रतिवद्धता व्यक्त गरेका छन् ।
भोक्राहा नरसिंह गाउँपालिकाका अध्यक्ष महेन्द्र प्रसाद यादव, उपाध्यक्ष पुनम कुमारी मेहता, वडा नम्बर–३ का वडाध्यक्ष सुकदेव यादव, जसपाका नेता मनोज यादव, युवा नेता तथा समाजेवी शिवराम यादव लगायतको टोलीले आगलागी भएको ठाउँमा निरीक्षण गरेका थिए ।
