इनरुवा । सुनसरीको भोक्राहा नरसिंह गाउँपालिकामा प्रथम पटक सुविधायुक्त होटल शुक्रवारदेखी संचलानमा आएको छ । भोक्राहा नरसिंह गाउँपालिकामा होटल स्टार एण्ड लज शुक्रवार उद्घाटन भई संचालनमा आएको हो ।
भोक्राहा नरसिंहका युवा अनवर हुसेनले होटल स्टार एण्ड लज विधिवत उद्घाटन गरी संचालनमा ल्याएको हो । होटल स्टार एण्ड लजमा २० जनालाई बस्ने सुविधायुक्त कोठाहरुको व्यवस्था गरिएको संचालक हुसेनले जानकारी दिएको छ ।
गुणस्तरीय खानाको व्यवस्था सहित पालिकामा प्रथम पटक युवा व्यवसायी हुसेनको सक्रियतामा होटल संचालनमा ल्याएकोले स्थानीयबासीहरु खुशी व्यक्त गरेका छन् ।
कोशी गाउँपालिकाका अध्यक्ष तथा नेपाली काग्रेंस सुनसरी क्षेत्र नम्बर–४ का क्षेत्रीय सभापती ऐयुव अंसारीले होटल स्टार एण्ड लजको उद्घाटन गरेका छन् । अध्यक्ष अन्सारीले होटल उद्घाटन गर्दै पालिकामा प्रथम पटक चाहेको जस्तो सुविधायुक्त होटल संचालनमा आएकोले बस्न र खाना सर्वसाधारण लगायत बाहिरका व्यक्तिहरुलाई सहज भएको बताए ।
अध्यक्ष अन्सारीले उद्घाटन मन्तब्य व्यक्त गर्दै यस क्षेत्रमा आउने पर्यटकहरुलाई सजह हुने बताउँदै उनले यस क्षेत्रका सर्वसाधारणहरुलाई सहयोग गर्न समेत अपिल गरेका थिए । युवा व्यवसायी हुसेनले दोस्रो चरणको कोरोना महामारीमा अन्त्य भएको केही महिनामा होटल संचालन गर्नु ठुलो साहस गरेको उनले बताउँदै अर्को भाइरस आउन लागेको बेला पनि ठुलो आट र साहस गरेकोमा होटल संचालक हुसेनलाई धन्यवाद समेत दिएका छन् ।
कार्यक्रममा जनता समाजवादी पार्टीका नेता डा. खालिद हुसेन, नेपाल मुस्लिम संघ १ नम्बर प्रदेशका सभापति इसराईल मंसुरी, भोक्राहा नरसिंह–२ का वडाध्यक्ष आलम अन्सारी लगायतकाले होटल संचालनले यस क्षेत्रको विकाससँगै बेरोजगार युवाहरुले रोजगारको अवसर पाएको र यस क्षेत्रको रौनक बढेर गएको प्रति उनीहरुले खुशी व्यक्त गरे ।
चिरौली चौक नजिककै रहेको होटल स्टार एण्ड लजमा २४ सैं घण्टा सेवा सुविधा उपलब्ध रहने समेत बुझिएको छ ।
