इनरुवा । सुनसरीको इनरुवा नगरपालिकामा अन्तर विधालय वक्तृत्वकला प्रतियोगिता शुक्रवार सम्पन्न भएको छ । अन्तराष्ट्रिय आप्रवासी कामदार दिवस २०२१ को अवसरमा इनरुवा नगरपालिकाको सभाहलमा अन्तर विधालय वक्तृत्वकला प्रतियोगिता सम्पन्न भएको हो ।
सामुदायिक विकास संस्था (सिडिओ) सुनसरीको आयोजना र सामी परियोजना, हेल्भेटासको सहयोग तथा इनरुवा नगरपालिकाको समन्वयमा अन्तराष्ट्रिय आप्रवासी कामदार दिवसको अवसरमा इनरुवामा अन्तर विधालय वक्तृत्वकला प्रतियोगिता सम्पन्न भएको बताइएको छ ।
“सचेत,शिपमुलक र सुरक्षित रोजगार : मर्यादित श्रम आप्रवासनको मुल आधार” भन्ने नाराका साथ अन्तराष्ट्रिय आप्रवासी कामदार दिवसको अवसरमा बैदेशिक रोजगारको अवसर र चुनौतीको बिषयमा सहभागि भएका विधार्थीहरुले बोलेका थिए ।
विधार्थीहरुको बोल्ने सीप र कलालाई विकास गर्ने उद्देश्यले अन्तराष्ट्रिय आप्रवासी कामदार दिवसको अवसर पारेर इनरुवा नगरभित्र रहेको १६ वटा विधालयहरुका विधार्थीहरुको सहभागिताबाट प्रथम, दोश्रो र तेस्रो निर्णायक मण्डलले छनौट गरेका थिए । पुरुषोतम घिमिरे र बिष्णु मण्डलको निर्णयबाट प्रथम,दोश्रो र तेस्रो भएका विधार्थीहरुलाई छनौट गरि निर्णय सार्वजनिक गरेका थिए ।
इनरुवा नगर क्षेत्र भित्र रहेका माध्यमिक विधालयहरु मध्ये १६ वटा विधालयहरुबाट १६ जना विधार्थीहरुमा प्रतिस्पर्धा भएको थियो । वक्तृत्वकला प्रतियोगितामा प्रिसिएस एकेडेमी इनरुवाकी छात्रा अनिषा मण्डल प्रथम, इनरुवा इग्ङलिस बोर्डिग स्कूलकी छात्रा रमिसा यादव दोस्रो र नवयुग एकेडमीकी छात्रा सैयिस्ता अन्जुम तेस्रो भएकी छिन् । प्रथम,दोश्रो र तेस्रो भएकाहरुलाई निर्णायक मण्डलका पुरुषोतम घिमिरेले पुरस्कार र प्रमाण पत्र वितरण गरेको थियो ।
इनरुवा नगरपालिकाकी उपप्रमुख जमुना गौतम पोखरेलको प्रमुख आतिथ्यमा सम्पन्न भएको वक्तृत्वकला प्रतियोगितामा सामी परियोजना सुनसरीका कार्यक्रम संयोजक धिरज भट्टराईले कार्यक्रम संचालन गरेका थिए ।
अन्तराष्ट्रिय आप्रवासी कामदार दिवस डिसेम्वर १७ शुक्रवार वक्तृत्वकला प्रतियोगिता सम्पन्न भएको छ भने डिसेम्वर १८ शनिवार बेलुका इनरुवाको लोकतान्त्रिक चौकमा दीप प्रज्वलन गर्ने कार्यक्रम रहेकोले सहभागी भई कार्यक्रम सफल बनाई दिनका लागि सामी परियोजना सुनसरीका कार्यक्रम संयोजक भट्टराईले अनुरोध गरेका छन् ।
