विनोद मेहता
देवानगंज । इनरुवाका रुपक मेहताले आफ्नो २४औँ जन्मदिन वृद्धाआश्रममा मनाएर एउटा उदाहरण प्रस्तुत गरेका छन् । शिक्षा फाउन्डेसनको सिइओ तथा लियो क्लब अफ विराटनगरको भ्वाइस प्रेसिडेन्टसमेत रहेका रुपकले सोमबार विराटनगर–३ पुष्पलालचोकस्थित महिला जागृति महिला आश्रममा जन्मदिन मनाएका हुन् ।
घरमा वा होटल रेस्टुराँमा भव्य तामझामका साथ बर्थडे मनाउने परिपाटीभन्टा टाढा रहेर रुपकले उनले यसरी जन्मदिन मनाएका हुन् । इनरुवा नगरपालिका–२ घर भएका रुपकले आफ्नो जन्मदिनमा वृद्धाआश्रममा सहयोग गरी बर्थडे मनाए । रुपकले लाइन क्लब ए वान र लियो क्लब एवानसँगको समन्वयमा त्यहाँ आश्रय लिएर बसेका महिलाहरूलाई ब्ल्यांकेट, चाउचाउ र बिस्कुट बाँडेका थिए ।
रुपकले १० थान ब्ल्यांकेट, एक कार्टुन चाउचाउ र सात दर्जन बिस्कुट उपलब्ध गराएको आश्रमकी अध्यक्ष भूमेश्वरी आचार्यले जानकारी दिइन् । सहयोग कार्यक्रममा बोल्दै बालआश्रमका अध्यक्ष आचार्यले यस्तो अभियानले आश्रमलाई सहयोग पुग्ने बताइन् ।
जाडोयामको मौसमा बृद्धाआश्रमा आएर न्यानो कपडाले बृद्धबृद्धाहरुलाई जाडो छल्नका लागि आफनो वर्थडेको अवसरमा लत्ताकपडा वितरण गरेको मेहताको कथन छ । वर्थडे होटल र घरमा मनाई आफनो जन्मदिनको अवसर पारेर बृद्धाबृद्धाहरुलाई न्यानो कपडा वितरण गरेर नमुना कार्यको सुरुवात गरेको उनले बताए ।
