नसीम अन्सारी
हरिनगर । सुनसरीको हरिनगर गाउँपालिका–६ स्थित घुस्कीमा आगलागी हुँदा दुई घर जलेर नष्ट हुदाँ ५ लाख बराबरको क्षति भएको छ ।
हरिनगर–६ का निवासी जमाल अन्सारीको भन्सा घरमा आइतबार राति ११ बजेर ३० मिनेटमा आगलागि भएको थियो । आइतबार रातिको समयमा खाना पकाएर खानपिन गरेर सुतिसकेको अवस्था राति भन्सा घरबाट अचानक आगलागी भएको पीडित अन्सारीले बताए ।
आगलागीबाट दुईवाट घर पुर्णरुपले जलेर नष्ट भएको स्थानीयबासिन्दा इशा अन्सारीले बताएका छन् ।
स्थानीयलाई आगो नियन्त्रण लिन भने सकस भइरहेको थियो । नेपाल प्रहरी, सशस्त्र प्रहरी, इनरुवा र कोशीबाट आएको बारुण यन्त्र तथा स्थानीयवासीको सहयोगमा आगलागी १ बजे नियन्त्रणमा लिएको थियो ।
आगलागी हुँदा घरमा भएको अन्नपात, धनमाल, लत्ताकपडा र भाडावर्तन पूणरुपमा जल्दा करिब ३ लाख बराबरको क्षति हुनुका साथै मानवीय पशुचौपायको क्षति भने नभएको जिल्ला प्रहरी कार्यालय सुनसरीले जनाएको छ ।
