इनरुवा । नेपाल रेडक्रस सोसाइटी सुनसरी जिल्ला कार्यसमितिमा उमेश थापा निर्विरोध निर्वाचित भएका छन् । नेपाल रेडक्रस सोसाइटी सुनसरी जिल्ला कार्यसमितिको अध्यक्षमा उमेश थापाको नेतृत्वमा १७ जनाको कार्यसमिति निर्विरोध चयन भएको हो ।
नेपाल रेडक्रस सोसाइटी सुनसरीमा धरानका थापा पुनः सभापतिको जिम्मेवारी पाएका हुन् । यसअघि पनि सभापति पदको जिम्मेवारी सम्हालेका थिए ।
त्यसैगरी महिला उपसभापतिमा इटहरीकी सीमा बस्नेत र पुरुष उपसभापतिमा मुकुल कायस्थ निर्विरोध चयन भएका हुन् । त्यसैगरी मन्त्री पदमा धरानका प्रकाश राई, उपमन्त्रीमा इटहरीका कृष्णप्रसाद भट्टराई, कोषाध्यक्षमा इनरुवाका विष्णुदेव मण्डल, उपकोषाध्यक्षमा रामधुनीका श्यामप्रसाद पोखरेल निर्विरोध चयन भएका हुन् ।
त्यसैगरी सुनसरी जिल्लाको महिला सदस्यहरुमा धरानकी वेणु काफ्ले,उत्तरकुमारी शाक्य र रमिता श्रेष्ठ चयन भएकी हुन् । त्यसैगरी सदस्यहरुमा बराहक्षेत्रका रविनकुमार घिमिरे, धरानका वासुदेव गौतम, इटहरीबाट सदस्यहरु बालकुमार पोखरेल, चन्द्रकुमार गिरी, विमलकुमार शर्मा पौडेल, रामधुनीबाट सदस्यमा इश्वर घिमिरे र हरिनगरबाट कृष्णप्रसाद देव निर्विरोध चयन भएको निर्वाचन अधिकारी नरेन्द्रप्रसाद पोखरेलले जनाएको छ ।
नेपाल रेडक्रस सोसाइटी उपशाखा हरिनगरका सभापति कृष्णप्रसाद देवले जिल्ला सदस्यमा निर्विरोध निर्वाचित भएका हुन् । सुनसरीको दक्षिणवर्ती क्षेत्र हरिनगरका देवले लामो समयदेखी रेडक्रसको जिम्मेवारी पाएर काम गर्दै आएका थिए ।
नेपाल रेडक्रस सोसाइटी सुनसरीमा जिल्ला सदस्य पदमा निर्विरोध निर्वाचित भएपछि दक्षिणबासी खुशी भएका छन् । हरिनगर गाउँपालिकामा नेतृत्व गर्दै आएका देवले पहिलो पटक नेपाल रेडक्रस सोसाइटीमा जिल्ला सदस्यमा नेतृत्व गर्ने मौका पाएका हुन् ।
