इनरुवा । प्रदेश नम्बर–१ का सामाजिक विकास मन्त्री जयराम यादवले जिल्ला अस्पताल इनरुवामा एक महिनाभित्रमा मेडिकल सुपरिटेन्डेन्ट र डाक्टरको व्यवस्था मिलाउने बताएका छन् ।
प्रदेश–१ सामाजिक विकास मन्त्री यादवले जिल्ला अस्पताल इनरुवाको निरीक्षण गरि सहभागी भएका अन्र्तक्रिया कार्यक्रमका प्रमुख अतिथि समेत रहेका उनले एक महिनाभित्र मेडिकल सुपरिटेन्डेन्ट र डाक्टरको व्यवस्थाको मिलाउने आफु तयार रहेको बताएका हुन् ।
इनरुवा अस्पताल सुधार संघर्ष समितिले अस्पताललाई सुधार गर्नका लागि लामो समयदेखी आन्दोलनरत रहेपछि प्रदेश–१ का मन्त्री यादवले एक महिनापछि मेडिकल सुपरिटेन्डेन्ट र डाक्टरको व्यवस्था मिलाउने प्रतिवद्धता व्यक्त गरेका छन् ।
उनले पुस मसान्तसम्म इनरुवा अस्पतालमा देखा परेका समस्याहरुलाई आधा भन्दा बढी समाधान र सुधार गर्नेे जिकिर समेत गरे । जिल्लाको अस्पताललाई सुधार गर्ने जिम्मेवारी आफुको भएको भन्दै मन्त्री यादवले पुस मसान्तसम्म धेरै सुधार आउने बताउँदै उनले सर्वसाधारणहरुको उपचार इनरुवा अस्पतालबाट हुने बताए । इनरुवा अस्पतालबाट बिरामीहरुलाई रेफर मात्र गरेको कुरालाई मध्यनजर गर्दै समस्या समाधान गर्न आफु तत्पर रहेको मन्त्री यादवको भनाई छ ।
संघर्ष समितिका संयोजक दिलिप चन साहुले अस्पतालको बेथिति अन्त्यका लागि आन्दोलनमार्फत आवाज उठाइरहेपनि माग सम्वोधन हुन नसकेपछि प्रदेश–१ मन्त्री यादवलाई गुनासो गरेपछि सुपरिटेन्डेन्ट र डाक्टरको व्यवस्था मिलाउने मन्त्रीको आश्वासन कार्यान्वयन हुनेमा विश्वस्त रहेको बताए । संयोजक साहुले अस्पताल सुधार गरेर छाडने अठोट लिएर अभियार जारी गरेकोले संघर्ष समितिको पहल र प्रयासमा प्रदेश–१ को सामाजिक विकास मन्त्री यादवले समस्या समाधान गर्ने समेत बताए ।
जिल्ला जनस्वास्थ्य प्रमुख सागर प्रसाईले अस्पतालको वर्तमान अवस्था र सुधार गर्नुपर्ने पक्षको बारेमा आफना धारणा राखेका थिए भने कार्यक्रमको अध्यक्षता अस्पताल बिकास समितिको अध्यक्ष गोपाल राजभण्डारीको अध्यक्षतामा कार्यक्रम सम्पन्न भएको थियो ।
कार्यक्रममा सामाजिक बिकास मन्त्रालयको सचिव, सुनसरीका प्रमुख जिल्ला अधिकारी, सुनसरीका प्रहरी नायव उपरीक्षक नरेन्द्र कुमार कार्की, लगायत अस्पताल संचालन तथा व्यवस्थापन समितिको पदाधिकारीहरु, अस्पतालको कर्मचारीहरु, डाक्टरहरु, राजनीतिक दलका प्रतिनिधिहरु पत्रकार र अस्पताल सुधार संघर्ष समितिको पदाधिकारी तथा सदस्यहरुको उपस्थिति रहेको थियो ।
