इनरुवा । सुनसरीको इनरुवा १ पूर्व टोलमा राष्ट्रिय झण्डा फहराइएको छ । इनरुवा–१ का युवाहरुको समुहले राष्ट्रिय झण्डा फहराइएको हो ।
दिन दिनै बद्लिदै गैरहेको राजनितिक परिस्थितीमा राष्ट्रिय झण्डालाई मानिसहरुले बिर्सीदै गएको बेला इनरुवा–१ को पुर्व टोलमा राष्ट्रिय झण्डा फहराएर एकताको संदेश दिएको सुशान्त रमण पोखरेलले बताए । इनरुवा–१ का युवाहरुको प्रयासमा राष्ट्रिय झण्डा फहराइएको बताइएको छ ।
युवा समुहका आशिका सुवेदी, दीपाश्री निरौला, सजल पोखरेल, निकेश पोखरेल, प्रसांग रमण पोखरेल, रित्तम निरौला, श्रीजा पोखरेल, सुगन्ध रेग्मी, पुरन पोखरेल, सुरक्षा खड्गा र विवेश पोखरेल लगायतको सहयोगमा इनरुवा दुहबी सडक खण्डमा जेब्रा क्रस बनाएर दुर्घटना न्युनीकरणमा प्रयास, पुर्व टोललाई चिनाउनका लागि व्यानर लगाउने काम, कोरोना कहरमा राहत समाग्री वितरण लगायतका उदाहरीण कार्यहरु गरेर सबैको लोकप्रिय बनेका छन् । युवाहरुको अथक प्रयासमा सो क्षेत्रमा सामाजिक कार्यलाई निरन्तरता दिइरहेका छन् ।
