सार्थक प्रयासद्वारा ४९ विपन्न परिवारलाई न्यानो कपडा

गनेश कुमार यादव
इनरुवा । सामाजिक क्षेत्रमा कार्य गर्दै आएका सार्थक प्रयास परिवारले इनरुवा–४ का ४९ जना अति विपन्न् र गरिब परिवारलाई न्यानो कपडा वितरण गरेको छ ।
बढ्दै गइरहेको चिसो अनि त्यसले पार्ने प्रभावलाई मध्यनजर गरि सार्थक प्रयास परिवारले इनरुवा नगरपालिका वडा नम्बर–४ खिक्रिपट्टी टोलका ४९ जना घरपरिवारलाई न्यानो कपडा,सुइटर,टोपी,ब्ल्याङ्केट,जुत्ता,चप्पल र अन्य लत्ता कपडाहरु वितरण गरेको हो ।
घरमा रहेका लगाउन मिल्ने पुरानो लत्ता कपडाहरु तथा केही नयाँ कपडाहरु इनरुवाका सहयोगी मनहरुबाट संकलन गरी सार्थक प्रयासले इनरुवा–४ मा न्यानो कपडा वितरण गरेको संस्थाका संयोजक उतम राई चाम्लिङले जानकारी दिए ।
इनरुवा–४ का बालबालिका, महिला र पुरुषहरु गरि ४९ जना घरपरिवारलाई न्यानो कपडा वितरण गरिएको छ छने केही दिनभित्रमै इनरुवा नगर क्षेत्रका गरिब तथा अति विपन्न घरपरिवारको नाम संकलन गरि एक सय जना भन्दाबढीलाई न्यानो कपडा वितरण गर्ने लक्ष्य रहेको सार्थक प्रयास परिवारले जनाएको छ ।