इनरुवा । सुनसरीको मधेशी तथा मुस्लिम बाहुल जनसख्याँ रहेको दक्षिणवर्ती क्षेत्रमा संगठन विस्तार अभियान चलाएको नेकपा एसमा मधेशी, मुस्लिम समुदाय अगुवाहरु संगठित हुने लहर चलेको छ ।
सुनसरीको भारतिय सिमावर्ती क्षेत्रमा रहेका गाउपालिकामा संगठन विस्तारमा जुटेको नेकपा एसको पालिका तह र वडा तहको कमिटीमा मधेशी र मुस्लिम समुदाय ठुलो सख्याँमा पदाधिकारीसहितका पदमा संगठित हुने लहर चलेको हो।
राजनितिक रुपमा असंगठित रहदै आएका मधेशी मुस्लिम समुदायका अगुवाहरु नेकपा एसको अभियान संचालनपछि जागरुक हुदै सुनसरीको दक्षिणवर्ती सिमाक्षेत्रमा रहेका पाँच वटा गाउपालिकामा दैनिक हुने वडा तथा टोल भेलामा अगुवाका साथै महिलाको सहभागीतासमेत उल्लेखनिय रुपमा हुने गरेको छ ।
नेकपा एस सुनसरी लोकतान्त्रिक मधेशी संगठनमा इन्चार्ज राजकुमार कुसियैतका अनुसार विगतमा कम्युनिष्ट पार्टीमा संगठित हुने मधेशी मुस्लिम समुदायको सख्याँ न्युन रहदै आएको थियो ।
कुसियैतले भने हाल अधिकाशं टोल वस्तीमा नेकपा एसमा समाहित हुने सख्याँ ठुलो रहेकाले दक्षिणवर्ती क्षेत्रमा नेकपा एस मधेशी र मुस्लिम समुदायका माझमा लोकप्रिय दल बन्न पुगेको छ ।
नेकपा एसका सुनसरी उपाध्यक्ष रामचन्द्र मटियैतले नेकपा एसको केन्द्र, प्रदेश, जिल्ला र पालिका तहको कमिटीहरुमा पदाधिकारीदेखि तलसम्म समावेशी सहभागीता सुनिश्चीत गरिएकाले मधेशी र मुस्लिम समुदायका बिचमा पार्टीमा नेतृत्व र कमिटीमा बस्ने लहर चलेको बताए ।
उपाध्यक्ष मटियैतले भने दक्षिणवर्ती क्षेत्रमा रहेका बर्जु, देवानगञ्ज, हरिनगर, भोक्राहा–नरसिह, कोशी गाउपालिकामा दैनिक वडा र टोल तहमा हुने भेलामा समावेशी प्रतिनिधित्वका साथै नेतृत्व चयनमा समेत बढदो सहभागीताले मधेशी मुस्लिम समुदायमा लहर चलेको बताए ।
यसैगरि कोशी गाउपालिका ६ नं वडामा रामनारायण अरगरिया अध्यक्ष रहेको ७५ सदस्य वडा कमिटी गठन भएको छ । वडा भेलाबाट कमिटीको उपाध्यक्षमा सुगावतीदेवि यादव, अनिल मटियैत सचिवमा दिनेशप्रसाद शर्मा उपसचिवमा सन्तोष अरगरिया, श्यामविलास सिह चयन भएका छन ।
वडा भेलामा जिल्ला उपाध्यक्ष रामचन्द्र मटियैत, राजकुमार कुसियैत, पालिका अध्यक्ष शत्रुधन चौधरी, उपाध्यक्ष वासिक अलि लगायतले बोलेका थिए ।
