इनरुवा । नेपाली कांग्रेस सुनसरीको पालिका स्तरीयको मतगणना बुधवार सुरु हुने भएको छ । नेपाली कांग्रेसको १४ औं महाधिवेशन अन्तरगत जिल्ला अधिवेशनबाट नयाँ नेतृत्वबाट पदाधिकारी सहित सदस्यहरुको मतगणना भएपनि पालिका स्तरीयको मतगणना रोकिएकोलाई पुनः मतगणना बुधवारबाट सुरु हुने भएको हो ।
नेपाली कांग्रेस जिल्ला कार्यदसमिति सुनसरीका सचिव बिरेन्द्र साहले पालिका स्तरीयको मतगणना मंगलवार भनिएकोमा प्राविधिक कठिनाईका कारण बुधवार बिहान ९ बजेबाट सुरु हुने बताएका छन् । सुनसरी कांग्रेसका सचिव साहले नेपाली कांग्रेस पार्टी कार्यालय इनरुवा सुनसरीमा बुधवार बिहान ९ बजेबाट मतगणना सुरु गर्ने बताए ।
नेपाली कांग्रेस सुनसरीका उपसभापति पदका उम्मेदवार गफार अन्सारी र सचिव पदका उम्मेदवार रन्जेश भट्टराईले पुनः मतगणना गर्न माग गरेपछि पालिका स्तरीयको मतगणना स्थगित भएको थियो । उपसभापति र सचिव पदका उम्मेदवारहरुले मतगणना सन्तोषजनक नभएको र धाँधली भएकोले निर्वाचन समितिमा निवेदन दिएपछि मतगणना अनिश्चितका लागि स्थगित भएको थियो ।
नेपाली कांग्रेस सुनसरीका उपसभापति पदका उम्मेदवार अन्सारीले मंसिर १४ गते मंगलवार र सचिव पदका उम्मेदवार मंसिर १३ गते सोमवार निर्वाचन समितिमा पुनः मतगणनाको माग राख्दै उजुरी दिएका थिए ।
नेपाली कांग्रेस सुनसरीमा नयाँ नेतृत्वमा आएकाहरुले सहमति र सहकार्य गर अगाडी बढ्न अनुरोध गर्दै बाँकी रहेको मतगणनालाई निरन्तरता दिन आग्रह गरेपनि पालिका स्तरीयको मतगणना बुधवार हुने भएको समाचार श्रोतले जनाएको छ ।
नेपाली कांग्रेसको १४ औं महाधिवेशनमा केन्द्रीय उपसभापति पदका उम्मेदवार विजय कुमार गच्छदार, प्रदेश–१ का सभापति पदका उम्मेदवार गुरुराज घिमिरेले पनि पुनःमतगणना गर्न उजुरी दिएकोले हालसम्म कुनै निर्णय नभएकाले सुनसरी जिल्लामा पनि पुनःमतगणना अहिले नभई बाँकी रहेको पालिका स्तरीयको मतगणना गर्ने कांग्रेसका नेताहरु बताउँछन् । नेपाली कांग्रेस जिल्ला पार्टी कार्यालय इनरुवा सुनसरीमा मतपेटिकाहरुलाई सिल गिर राखिएको थियो ।
