इनरुवा । सुनसरीको भोक्राहा नरसिंह गाउँपालिकाका अध्यक्ष महेन्द्र प्रसाद यादवले जनताको घर–घरमा पुग्ने बताएका छन् । सुनसरीको भोक्राहा नरसिंहमा आइतवार आयोजित कार्यक्रमलाई सम्वोधन गर्दै अध्यक्ष यादवले जनतासँगको भेटघाटलाई पुनः निरन्तरता दिदै भोक्राहा नरसिंहको ८ वटै वडाका जनताको घर पुगेर समस्या वा गुनासो सुन्ने बताएका हुन् ।
जनता समाजवादी पार्टी भोक्राहा नरसिंहले आयोजना गरेको स्वागत तथा सम्मान कार्यक्रमबाट अध्यक्ष यादवले आफुलाई बदनाम गरेर षडयन्त्र रचेर केही महिना कारागार जीवन बिताउन बाध्य बनाएको बताउँदै पालिका अध्यक्ष यादव बलियो बनेकोलाई मध्यनजर गर्दै षडयन्त्रकारीहरुले झुठा मुद्धा लगाएर फसाइएको जनतामामm आफनो भनाई राखेका थिए ।
अध्यक्ष यादवले लगाइएको झुठा मुद्दा जिल्ला अदालत सुनसरीबाट सफाई पाएर जनतामाझ आठ महिनापछि पुनः उपस्थित भएको बताए । उनले भने, ‘सुनसरी प्रशासनले कृष यादव र देवराम यादव जस्तै मलाई पनि पेल्न खोजेको थियो । अध्यक्ष पदमा रहेर चार वर्ष भन्दा बढी जनताको सेवामा समर्पित रहेर कार्य गरेको थियो तर एक्कासी झुठा मुद्दा लगाएर मलाई फसाइएको प्रति दुःख व्यक्त गर्दछु । पालिकामा म रहँदा महँगो पर्ने महसुस गरेका केही षडयन्त्रकारीहरुले आठ महिना कारागार बस्न बाध्य बनायो ।’
भोक्राहा नरसिंह गाउँपालिका अध्यक्षको कुर्सीमा बसाउनका लागि पालिकाभित्रका जनताले उत्साहका साथ सहभागिता जनाएकोले मेरो मनोवल उच्च भएको उनले भने,‘जनताको दुःख सुखमा साथ दिनेछु । प्रत्येक गाउँ टोलका जनतासँग भेटघाट गर्ने र हरपल जनताको साथमा रहेर विकासका योजनाहरुलाई पुनः निरन्तरता दिनेछु ।’
