इनरुवा । सुनसरीको देवानगंज गाउँपालिका–४ कप्तानगंजका २४ वर्षिय दिपेन कुमार यादवलाई अज्ञात समुहले अपहरण गरेको छ । साविकको कप्तानगंज–१ र हाल देवानगंज–४ का शिवनारायण मेहताका छोरा दिपेन कुमार मेहतालाई भारतको लक्ष्मीपुर भन्ने ठाउँबाट अज्ञात समुहले अपहरण गरेको हो ।
को १० प ६९४ नम्बर मोटरसाईकलमा सवार भई भारतको मधुवनी जाने क्रममा सोमवार दिउँसो अन्दाजी १२ बजेतिर भारतको लक्ष्मीपुरमा मोटरसाइकल रोकी अज्ञात समुहले अपहरण गरी वेपता बनाएको पारिवारिक श्रोतले जनाएको छ ।
सुनसरीको सीमावर्ती क्षेत्र कप्तानगंजमा बसोवास गर्दै आएका मेहताले भारतको मधुवनी दिदीको घरमा एक लाख रकम पुगाउन गइरहेको बेला उनलाई अपहरण गरिएको बुझिएको छ । अज्ञात समुहले अपहरण गरेपछि मेहताले तत्काल आफनै गाउँका एक व्यक्तिको मोवाइलमा फोन गरेर आफुलाई केही व्यक्तिहरुको समुहले अपरहरण गरेको जानकारी दिएका थिए ।
देवानगंज–४ का सो व्यक्तिले मेहताको घरका जानकारी गराएपछि खोजतलास गर्नका लागि उनका आफन्तहरु भारततर्फ गएको समेत पारिवारिक श्रोतले जनाएको छ । मेहताको अपहरणको खबरले उनको घरमा रुबाबासि चलेको छ । मेहताका परिवारले उद्धार गर्नका लागि र खोजी गरि घरसम्म पुगाईदिनका लागि मानव अधिकारवादी, समाजसेवी, नागरिक समाज, पत्रकार र सुरक्षाकर्मीहरुलाई अपिल समेत गरेका छन् ।
यस अघि पनि मेहतालाई भारतको घुर्नादेखी पश्चिम ब्रहमपुरमा ज्यान मार्ने प्रयास असफल भएको थियो । केही महिना अघि पनि दिदीको घरबाट फर्किने क्रममा मेहतालाई केही व्यक्तिहरुको समुहले घेरावन्दी गरेर कुटपिट गरी ज्यान मार्ने प्रयास गरेपछि उनी भाग्न सफल भएको मेहताका बुवा शिवनारायण मेहताले जानकारी दिए । मेहताले बोकेको मोबाइल नम्बर ९८११०११०५९ मा समाचार तयार पारुञ्जेलसम्म फोन लागि रहेको थियो तर उसको फोनमा सम्र्पक गर्दा उठन सकेन् । यता मेहताको खोजी कार्य भइरहेको सुनसरी प्रहरीले जनाएको छ ।
