जुगेश दास
देवानगंज । यहाँका किसान अहिले मलखाद नपाएर चिन्तित बनेका छन् । हिउँदेबालीका लागि पकेट क्षेत्र मानिने सुनसरीमा आवश्यक मात्रामा मलखाद नपाउँदा किसानले लगाएको बाली बिग्रिने चिन्ता बढेको छ । जिल्लामा अहिले गहुँबालीको समय रहेको र गहुँबालीमा मल हाल्न नपाउँदा आफूहरुको मेहनत खेर जानेचिन्ता बढेको किसान रमानन्द मेहताले गुनासो गरे ।
मलखाद नपाएर किसानलाई बाली बिग्रिने चिन्ताले सताएको छ । हरिनगर गाउँपालिका हरिनगरामा रहेका सहकारी संस्था लिमिटेडले रातीको समयमा बेच्ने गरेको आरोप लगाएको हो । आफ्नो गुनासो पोख्दै अर्का किसान छेदी यादवले भने, ‘खेतमा पानी पटाएको दस दिन भईसक्दा पनि युरिया र डिएपी नपाएपछि हामी चिन्तीत बनेको छु । केही दिन यता खेतमा पानि छरे पछि खेतको उर्वरा शक्ति बढाउन युरिया डिएपी लिन कृषि सहकारी पुग्दा भोली आउनु पर्सी आउनु भन्दा भन्दै एक हप्ता भन्दा भढी भई सक्दा पनि हामीले मलखाद पाएका छैनौ ।’
उनका अनुसार स्थानीय निकायको सिफारिसमा आएका कृषि सहकारी संस्था हरिनगरा कार्यालयमा आएको मल दामासाहीले वितरण गरिएको छ । कृषि सहकारी अनुदानमा पाएको मलखाद चर्को मूल्यमा बिक्रीवितरण गरिरहेको बिष्णुदेव मेहताको आरोप छ ।
मेहताका अनुसार प्रायः रातिको समयमा बाहिरबाट मलखाद आउने गर्दछ, रातीको समयमा मलखाद आउँदा हामी रातीनै लिन आईपुग्छौ तर यहाँ कर्मचारी हप्काएर भोली आउनु भनेर पठाई दिनुहुन्छ । त्यसै लगत हामी बिहान पुग्दा मलखाद सकि सकियो अब आए पछि लिन आउनुहोला भनेर फेरी फर्काई दिनुहुन्छ उनले भने ।
कृषि सामग्री कम्पनी लिमिटेडले स्थानीय निकायले सिफारिस गरेका कृषि सहकारीलाई सरकारी दरमा मल दिएको जनाउँदै अनुगमनको काम आफ्नो नभएको भन्दै पञ्छिने गरेको छ ।
यता सहकारी संस्था लिमिटेड हरिनगरका अध्यक्ष बद्री प्रसाद यादवले मुलुकमा मलखाद उपलब्ध नभएकाले किसानहरुलाई वितरण गर्न समस्या भएको बताएका छन् । यादवले सहकारीमा मलखाद आउने बितिकै उपलब्ध गराउने प्रतिवद्धता व्यक्त गरेका छन् । यसअघि मलखाद केही मात्रामा आउने बितिकै किसानहरुलाई वितरण गरेको अध्यक्ष यादवले प्रतिक्रिया दिए ।
