इनरुवा । सुनसरीको कोशी गाउँपालिका–५ मा गएराती आगलागी हुदाँ सात लाख भन्दा बढीको क्षति भएको छ । कोशी–५ का लक्ष्मण मण्डलको घरमा गएराती आगलागी हुदाँ तीन वटा घर जलेर पुर्ण नष्ट भएको छ भने १० वटा बाख्रा समेत जलेर मृत्यु भएको हो ।
मण्डलको घरमा आगलागी भएपछि घरमा रहेको खाद्यन्न समाग्री, लताकपडा, कागजात सहित अन्य समाग्रीहरु जलेर नष्ट हुदाँ सात लाख भन्दा बढीको क्षति भएको अग्निपीडितका परिवारले जनाएको छ ।
मण्डलको मंगलवार राती अचानक आगलागी हुदाँ सात लाख भन्दा बढीको क्षति भएको छ भने एक वटा गाई जलेर घाइते भएपछि कोशी गाउँपालिकाले उपचार गरिरहेको पालिका श्रोतले जनाएको छ ।
कोशी गाउँपालिकाका उपाध्यक्ष अनिता देवी यादवको नेतृत्वको टोलीले अग्निपीडितको घरमा पुगी २५ हजार आर्थिक सहयोगसँगै त्रिपाल लगायत खाद्यन्न समाग्री बुधवार उपलब्ध गराएको कोशी गाउँपालिकाका अध्यक्ष ऐयुव अन्सारीको स्वकीय सचिव धर्मेन्द्र विश्वासले जनाएको छ । यसैगरी नेपाल रेडक्रस सोसाइटी कोशी उपशाखाले पनि अग्निपीडितलाई राहत समाग्री उपलब्ध गराएको छ ।
