इनरुवा । सुनसरीको इनरुवामा सुरक्षित आप्रवासन परियोजना (सामी) ले सुनसरीका पत्रकार र समाजका अगुवाहरुसँग अन्तरक्रिया कार्यक्रम सम्पन्न गरेको छ ।
सामुदायिक विकास संस्था सिडिओ सुनसरीको आयोजना र हेल्भेटास तथा सामीको सहयोग, इनरुवा नगरपालिका र भोक्राहा नरसिंह गाउँपालिकाको समन्वयमा पत्रकार तथा समाजका अगुवाहरुसँग एक दिने अन्तरक्रिया कार्यक्रम शुक्रवार सम्पन्न गरेको हो ।
सामी परियोजनाले एक वर्षभित्रमा गरेको गतिविधिहरुलाई पत्रकारहरुसँगको अन्तरक्रिया कार्यक्रममा सार्वजनिक गर्दै वर्तमान अवस्थामा वैदेशिक रोजगार सम्वन्धी समस्या तथा समाधानका बारेमा छलफल गरेको थियो ।
त्यसैगरी सामी परियोजनाले समुदायका अगुवाहरुलाई आप्रवासनको असर तथा प्रभाव सम्वन्धी एक दिने अभिमुखिकरण कार्यक्रम मार्फत जानकारी गराइएको थियो ।
सुरक्षित आप्रवासन परियोजना (सामी) ले सुनसरीका पत्रकारहरुसँग अन्तरक्रिया कार्यक्रमका प्रमुख अतिथि भोक्राहा नरसिंह गाउँपालिका अध्यक्ष महेन्द्र प्रसाद यादवले कार्यक्रमलाई सम्वोधन गर्दै संचारकर्मीहरुले तथ्य सत्य समाचार प्रकाशित गरि जनतालाई सुशुचित गर्नुपर्ने बताए ।
अध्यक्ष यादवले पत्रकारहरुले झुठो समाचार नलेखी जनतालाई सही सूचना प्रदान गर्न सके संचारमाध्यम प्रतिको विश्वास बढेर जाने उनले बताउँदै प्रमाण सहित फेला पारेर कोही कसैको विरुद्ध समाचार लेख्नुपर्ने बताए ।
समाजका अगुवाहरुसँग अन्तरक्रियामा वैदेशिक रोजगारका अवसर र चुनौतीका बारेमा जानकारी गराउँदै सूचना, न्याय, सीप लगायतका कुराहरुमा सामी परियोजनाले निःशुल्क परामर्श सहित अन्य कानुनी उपचारमा सहयोग गर्ने गरेको सामी परियोजना सुनसरीका कार्यक्रम संयोजक धिरज भट्टराईले जानकारी दिए ।
आप्रवासी श्रोत केन्द्र इनरुवा सुनसरीमा २०७७ साउनदेखी २०७८ साउन सम्म २०४ वटा केशहरुमा सफलता पाएको, बन्द गरिएका २१ वटा केश र पीडितले पाएको जम्मा रकम ४ करोड २९ लाख ६९ हजार ५ सय सफल मुद्दाबाट दिलाउन सफल भएको जारी गरिएको प्रतिवेदनमा उल्लेख गरिएको छ ।
२०७७ साउनदेखी २०७८ साउन आप्रवासी श्रोत केन्द्र सुनसरीमा आएको २७७ वटा केश दर्ता भएको मध्ये २०४ वटा केश समाधान गर्न सफल भएको प्रस्तुत प्रतिवेदनमा उल्लेख गरिएको छ । ७३ वटा केश अझै गर्न बाँकी रहेको आप्रवासी श्रोत केन्द्र सुनसरीले जनाएको छ ।
सामी परियोजनाका कार्यक्रम अधिकृत देव नारायण चौधरी र सुनसरीका कार्यक्रम संयोजक धिरज भट्टराईले सहजीकरण गरेका थिए ।
कार्यक्रममा नेपाल पत्रकार महासंघका केन्द्रीय अमर खड्का, इकवाल अहमद, प्रदेश सदस्य प्रमोद यादव, महासंघका प्रदेश पुर्वसदस्यहरु शशि कोइराला र जयकृष्ण यादव महासंघ सुनसरीका अध्यक्ष जनकऋषि राई, कोषाध्यक्ष अजित कुमार झा, सदस्यह निश्चल शर्मा,बिरेन्द्र साह र दिपेन्द्र यादव र महासंघ सुनसरीका पुर्व सदस्य तथा नेपाल प्रेस युनियन इनरुवा नगर सभापति टोमराज मेहता र पत्रकार गणेश कुमार यादव लगायतको सहभागिता रहेको थियो ।
त्यसैगरी समाजका अगुवाहरुको कार्यक्रममा राजनीतिक दलका प्रतिनिधि, संघ संस्थाका प्रतिनिधिहरु, नागरिक समाज, बृद्धिजिवीहरु लगायतको सहभागिता रहेको थियो ।
