इनरुवा । नेपाल कम्युनिष्ट पार्टी एमाले सुनसरीको ७ औं अधिवेशनमा अध्यक्ष पदमा तीन जनाले उम्मेदवारी दर्ता गरेका छन् ।नेकपा एमाले सुनसरीको अध्यक्ष पदमा खेमराज पोखरेल, द्धारिकलाल चौधरी र रेवती रमण भण्डारीले उम्मेदवारी दर्ता गरेका हुन् ।
अध्यक्ष पदका उम्मेदवार पोखरेल वर्तमान जिल्ला कमिटिको अध्यक्ष समेत हुन् । पोखरल पुनः अध्यक्षमा दोहोराउन चाहेका हुन् । नेकपा एमाले सुनसरीलाई मजबुत बनाउनका लागि अध्यक्ष पदमा उम्मेदवारी रहेको पोखरेलको भनाई छ ।
नेकपा एमाले पार्टीलाई एक ढिक्का बनाउन, पार्टीको गिरेको साखलाई उच्च बनाउन, सन्तुलित ढङ्गबाट सबै पालिकाका नेता तथा कार्यकर्ताहरुलाई मुलधारमा ल्याउन र एकीकृत पार्टी निर्माणका लागि अध्यक्ष पदमा उम्मेदवारी दिएको पोखरेलको भनाई छ ।
भण्डारी र चौधरी दुवै पुर्वअध्यक्ष हुन् । पोख्रेल र भण्डारी दुवै संस्थापन पक्षका हुन् । इटहरीका मेयर चौधरी भने २०७७ पुष ५ गते पछि तटस्थ भएका हुन् । अध्यक्ष पदमा सर्वसम्मत हुन नसकेपछि निर्वाचन प्रक्रियाबाट उम्मेदवारी दर्ता उनीहरुले गरेका हुन् । अध्यक्ष पदमा तीन जना बीच कडा प्रतिस्पर्धा हुने भएको छ ।
नेकपा एमाले सुनसरीका उपसचिव लोकेश निरौलाले पार्टीको निर्वाचन पुस २७ गते हुने भएकाले एक दिन समय बाँकी रहेकोले उम्मेदवारहरुबीच सर्वसम्मत गराउने प्रयास जारी रहेको बताए । नेकपा एमाले सुनसरीको नेतृत्व सर्वसम्मतबाट चयन हुने उनले दावी गरेका हुन् ।
निर्वाचन प्रक्रिया पुरा गरेको उनले बताउँदै सर्वसम्मतबाट नेतृत्व चयन हुनेमा कुनै शंका नरहेको बताए । उनले भने, ‘ पार्टीका नेताहरुले सर्वसम्मत गराउन प्रयास जारी राखेको छ । उम्मेदवारी दर्ता गरेपनि सहमतिबाट अध्यक्ष लगायतका पदमा सर्वसम्मतबाट चयन गर्ने हाम्रो प्रमुख लक्ष्य रहेको छ । त्यसैले कुनै व्यक्ति बिशेष नभई पार्टी हाक्नेलाई नेतृत्व प्रदान गर्ने र नेतृत्व सर्वसम्मतबाट चयन गर्नका लागि कसरत जारी रहेको छ र सर्वसम्मतबाट नेतृत्व चयन हुन्छ ।’
यसैगरि, एक जनाको उपाध्यक्ष पदमा पनि तीन जनाको उम्मेदवारी दर्ता भएको छ । उपाध्यक्षमा उम्मेदवारी दर्ता गर्नेहरुमा नन्दकुमार बस्नेत, निलम खनाल र लीलम बस्नेत रहेका छन् । बस्नेत हाल जिल्ला उपाध्यक्ष हुन ।
त्यसैगरि एक जनाको सचिव पदमा दुई जनाको उम्मेदवारी परेको छ । उम्मेदवारी दर्ता गर्नेमा संस्थापन पक्षका पर्शुराम यादव र १० बुँदे पक्षका शुत्रघन यादव रहेका छन् । यस्तै, २ जना उपसचिव पदमा ७ जनाको उम्मेदवारी परेको छ । उपसचिव पदमा उम्मेदवारी दर्ता गर्नेहरुमा अञ्जनीकुमार पोखरेल, पदप्रसाद लिम्बु, योग्यराज खड्का, राम कोइराला, लहरुमाया जिमी र लोकेश निरौला रहेका छन् । निरौला वर्तमान जिल्ला उपसचिव हुन् ।
त्यसैगरि कोशी गाउँपालिकाबाट तीन जना खुल्ला सदस्य पदमा निर्विरोध निर्वाचित भएका छन् भने एक जना महिला कोटामा समेत निर्विरोध निर्वाचित भएका हुन् । तीन जना खुल्ला सदस्य पदमा निर्विरोच निर्वाचित हुनेहरुमा कमलेश्वरी खेरवार, कमलेश्वरी यादव र श्याम सुन्दर सिंह रहेका छन् । त्यसैगरि महिला कोटामा अनिता उराँव निर्विरोध निर्वाचित भएकी छिन् ।
त्यसैगरि भोक्राहा नरसिंह गाउँपालिकाबाट तीन जना खुल्ला सदस्य पदमा समेत निर्विरोध निर्वाचित भएका छन् । निर्विरोध निर्वाचित हुनेहरुमा रमेशप्रसाद यादव, बाबुराम साह र डिल्ली बहादुर विष्ट रहेका छन् ।
त्यसैगरि हरिनगर गाउँपालिकाबाट सुनिता कुमारी मेहता निर्विरोध निर्वाचित भएकी छिन् भने देवानगंज गाउँपालिकाबाट महिलाकोटामा शोभा मेहता निर्विरोध निर्वाचित भएकी हुन् ।
त्यसैगरि दुई मधेशी महिला कोटामा समेत निर्विरोध निर्वाचित भएकी छिन् । मधेशी महिलामा निर्विरोध निर्वाचित हुनेहरुमा रेखादेवी मेहता र सवितादेवी साह रहेकी छिन् । त्यस्तै बर्जु गाउँपालिकामा एक महिला कोटामा शोमकुमारी गुरुङ्ग राई निर्विरोध निर्वाचित भएकी हुन् ।
त्यसैगरि मुस्लिम महिला कोटामा जमिला खातुन निर्विरोध निर्वाचित भएकी छिन् । त्यस्तै दुई मजदुर महिला कोटामा यामकला मग्राती र सञ्जु प्रधान निर्विरोध निर्वाचित भएकी छिन् । त्यस्तै एक बुद्धिजिवी महिला कोटामा अनिता शर्मा गुरागाई समेत निर्विरोध निर्वाचित भएकी छिन् ।
नेकपा एमाले सुनसरीमा नयाँ नेतृत्वका लागि १३५ जनाको जिल्ला कमिटिको निर्माण हुनेछ
