इनरुवा । नेपाल कम्युनिष्ट पार्टी एमाले सुनसरीको ७ औं जिल्ला अधिवेशनमा सहमति जुटाउन नसकेपछि अध्यक्ष पदमा तीन जनाले उम्मेदवारी दर्ता गराएपछि चुनावी सरगर्मी बढेको छ ।
नेकपा एमाले सुनसरीमा आइतवार अध्यक्ष पदमा तीन जनाबीच कडा प्रतिस्पर्धा हुने भएको छ । सोमवार सम्म अध्यक्ष पदका तीन जनाबीच सहमति हुन नसकेपछि पुस २७ गते मतदाताहरुले मतदान गर्ने भएका छन् ।
नेकपा एमाले सुनसरीका वर्तमान अध्यक्ष खेमराज पोखरेलले पुनः अधयक्ष पदका लागि उम्मेदवारी दर्ता गरेपछि उनको चर्चा सुरु भएको छ । नेकपा एमालेका नेता भीम आचार्यको समेत समर्थन पोखरेललाई रहेको समाचार श्रोतको दाबी छ ।
अध्यक्ष पदमा रेवति रमण भण्डारीको उम्मेदवारी परेपछि नेता आचार्यले पोखरेलको पक्षमा लविङ्ग सुरु गरेका छन् । भण्डारीलाई हराउनका लागि नेता आचार्यले खुलेर अध्यक्ष पदमा पोखरेललाई समर्थन गरेको बुझिएको छ । रेवति रमण भण्डारी पुर्व अध्यक्ष समेत हुन् ।
सहमतिका लागि केन्द्रबाट नै प्रतिनिधि पठाएपनि अध्यक्ष पदमा सर्वसम्मत हुन सकेको छैन् । सहमित हुननसकेपछि पुस २७ गते हुने निर्वाचनमा अध्यक्ष पदमा तीन जना बीच कडा प्रतिस्पर्धा हुने भएको छ । अध्यक्ष पदमा बलियो उम्मेदवारका रुपमा देखिएको श्रोतले जनाएको छ । नेकपा एमालेका अध्यक्ष तथा पुर्व प्रधानमन्त्री केपी शर्मा ओलीको समेत अध्यक्ष पदमा समर्थन रहेको बुझिएको छ ।
लामो समयदेखी पोखरेलले अध्यक्ष केपी शर्मा ओलीको लाइनमा रहेर पार्टीको संगठनलाई बलियो बनाउँदै आएकोले सातौ अधिवेशनबाट अध्यक्ष पदमा उनको जित सुनिश्चित रहेको नेता तथा कार्यकर्ताहरु बताउँछन् ।
नेकपा एमालेको साखलाई जोगाउन मदत पुगाएको र संगठनप्रति वफादार भएर काम गर्दै आएकोले सातौ अधिवेशनका मतदाताहरुले अध्यक्ष पदमा पोखरेललाई अत्यधिक मतले बिजयी गराउने मतदाताहरुको भनाई छ ।
मतदाताहरुको रोजाईमा परेका अध्यक्ष पदका उम्मेदवार पोखरेललाई पुनः अध्यक्ष पदमा बिजयी बनाउने र पार्टीको सुदृढिकरण गर्ने जिम्मेवारी सहित पार्टीको नयाँ रुप दिन भएपनि जिताउन आवश्यक रहेको नेता तथा कार्यकर्ताहरुको भनाई छ ।
नेकपा एमालेका केही नेताहरुले चिरा फरक गरेको बेला भएपनि नेकपा एमाले सुनसरीको संगठनलाई मजबुत गर्दै पार्टीको साखलाई जोगाउन भुमिका निर्वाह गरेकोले अध्यक्ष पदमा पोखरेलको जित सुनिश्चित भएको उनका समर्थकहरु बताउँछन् । उनका समर्थकहरुले चुनावी प्रचार प्रसारलाई समेत तिब्रता दिएका छन् ।
त्यसैगरि अर्का अध्यक्ष पदमा उम्मेदवार रेवति रमण भण्डारी पनि बलियो उम्मेदवार रहेको चर्चा छ । यस अघि अध्यक्ष पद सम्हालिसकेका भण्डारीले समेत चुनावी अभियानलाई तिब्रता दिएका छन् ।
एक कार्यकाल अध्यक्ष पदमा रहेर पार्टीलाई बलियो बनाउने कामलाई तिब्रता दिनुपर्नेमा जोड दिदै उनले अध्यक्ष पदका लागि बलियो उम्मेदवारको रुपमा देखिन्छ । अध्यक्ष पदमा पोखरेल र भण्डारीबीच कडा प्रतिस्पर्धा हुने नेकपा एमाले सुनसरीका नेताहरुको कथन छ ।
भण्डारी पनि जिल्लादेखी गाउँसम्म संगठन बिस्तार गरेको र पार्टीका कार्यकर्ताहरुको दुःख मर्म र भावना बुझेको र जनतामामm समेत लोकप्रिय भएकोले अध्यक्ष पदमा जित सुनिश्चित रहेका समेत चर्चा छ । त्यसैगरी अध्यक्ष पदमा अर्का उम्मेदवार द्धारिकलाल चौधरी बिवादबाट चर्चा आउने गरेको छ ।
उनको कार्यशैलीप्रति नेता तथा कार्यकर्ताहरु असन्तुष्ट रहेको पाइएको छ । इटहरी उपमहानगरपालिकाका प्रमुख चौधरी आफनो कार्यकालमा विवादित हुँदै आएको र पार्टीका नेता तथा कार्यकर्ताहरुमाझ लोकप्रिय नभएको र गाउँ,टोल र वडासम्म पहुँच नभएका कारण अध्यक्ष पदमा अत्यधिक मत ल्याउन नसक्ने नेताहरुको विश्लेषण रहेको छ ।
