इनरुवा । इनरुवा उद्योग वाणिज्य संघ इनरुवाका अध्यक्ष बीरेन्द्र साहले सहकारीमैत्री बनाउन आवश्यक रहेको बताएका छन् । सुनसरीको इनरुवामा श्री राधाकृष्ण बहुमुखी सहकारी संस्था लिमिटेडको १९ औं वार्षिक साधारण सभामा प्रमुख अतिथि साहले यसो बताएका हुन् ।
सहकारीको विकासले सर्वसाधारणहरुको जीवनस्तरमा सुधार भएकोले सहकारीमैत्री बनाउन आजको आवश्यकता भएको उनले बताए । संस्थाको वार्षिक साधारण सभालाई सम्वोधन गर्दै प्रमुख अतिथि साहले सर्वसाधारणहरुलाई छिटो र छरितो सेवा प्रदान गर्दै आएकोले सहकारीसँगको कारोवारलाई बृद्धि गर्न सबैलाई आग्रह समेत गरेका छन् ।
पछिल्लो समय गाउँ गाउँमा सहकारी खुल्न थालेको हुदाँ बन्द रहेका र कारोवार नगरेका सहकारीहरुलाई मर्च गरि एकीकृत ढंगबाट संचालन गर्नुपर्नेमा समेत उनले जोड दिएका थिए । इनरुवा उवासंघका अध्यक्ष साहले सहकारीमा महिलाहरु बढी आकर्षित हुँदै गएकोले बचतबाट आफना बालबालिकाहरुलाई अध्ययन अध्यापन गर्न सहज भएको र घर परिवारको समस्यालाई समाधान गर्न उनीहरुको सक्रियता दिनप्रतिदिन बढ्दै गएको बताए ।
वैदेशिक रोजगारले समेत महिलाहरुलाई आत्मनिर्भरता बढाएको र आएको रेमिटान्सलाई राम्रोसँग सदुपयोग महिलाहरुले गर्दै बचत गर्ने बानीको विकासले समेत सहकारीहरुलाई थप मदत पुगेको अध्यक्ष साहको भनाई छ । नेपाली कांग्रेस सुनसरीका सचिव समेत रहेका साहले राधाकृष्ण बहुमुखी सहकारी संस्था लिमिटेडले समेत डेढ दशक पार गर्दै इमान्दारीताका साथ कारोवार गर्दै आएकोले साधारण सभामा प्रस्तुत गरेको प्रतिवेदनले पनि पारदर्शी देखाएकोले आगामी दिनमा सहमतिका साथ संस्थालाई आगाडी बढाउन आवश्यक रहेको बताए ।
श्री राधाकृष्ण बहुमुखी सहकारी संस्था लिमिटेड इनरुवाका अध्यक्ष सदानन्द साहको अध्यक्षतामा कार्यक्रम सम्पन्न भएको छ भने
प्रमुख अतिथि इनरुवा उद्योग वाणिज्य संघका अध्यक्ष वीरेन्द्र शाह, इनरुवा–१ का वडाध्यक्ष रामचन्द्र पौदार, समाजसेवी सिताराम पौदोर र दिप ज्वती सहकारी संस्थाका अध्यक्ष सत्यनारायण मेहता लगायतकाले साधारण सभाको सफलताको शुभकामना व्यक्त गरेका थिए ।
