भोक्राहा । सुनसरीको भोक्राहा नरसिंह गाउँपालिकाका अध्यक्ष महेन्द्र प्रसाद यादवले पालिकामा कोरोना विरुद्ध खोप कार्यक्रमलाई प्रभावकारी बनाउन आवश्यक रहेको बताएका छन् । भोक्राहा नरसिंह गाउँपालिकाको सभा हलमा आयोजित अन्तरक्रिया कार्यक्रमलाई सम्वोधन गर्दै अधयक्ष यादवले पहिलो चरण कोरोना विरुद्ध खोप कार्यक्रम प्रभावकारी नभएकोले दोश्रो चरणमा प्रभावकारी बनाउन सबैले सहयोग गर्नुपर्ने बताएका हुन् ।
पहिलो चरणको खोप कार्यक्रममा पालिकाका जनताले ४० प्रतिशत मात्र कोरोना विरुद्धको खोप लगाएका हुनाले दोश्रो चरणमा कोही नछुटने गरि खोप कार्यक्रममा सहभागि हुनुपर्ने उनले जोड दिएका छन् । पालिकाभित्र जनतालाई निर्धक्कसँग खोप लगाउन उनले आग्रह समेत गरेका छन् ।
भोक्राहा नरसिंह गाउँपालिकाको ८ वटै वडामा सतप्रतिशत खोप लगाउनुपर्ने उनले बताउँदै तेस्रो चरणको ओमिक्रोनबाट बच्न र सुरक्षित हुनका लागि खोप आवश्यक रहेको बताए । पालिकाभित्र खोप अभियानलाई सफल पार्नका लागि आ–आफना ठाउँबाट सहयोग गर्नुपर्ने उनले बताए ।
गाउँमा खोप केन्द्रको विस्तार गरि छिटो छरिता रुपमा जनतालाई सेवा प्रवाह गर्नुपर्ने उनको भनाई छ । पालिकाका जनप्रतिनिधिहरुले जनताको संरक्षण, सम्वद्र्धन र राम्रो सुशासनक कायम गराउन अहम भुमिका निर्वाह गर्नुपर्छ उनले भने । अध्यक्ष यादवले ८ वटै वडाका वडाध्यक्षहरु, कार्यपालिका सदस्यहरु, स्वास्थ्य शाखा प्रमुख सहित स्वास्थ्यकर्मी, सुरक्षाकर्मी र संचारकर्मीहरुलाई माघ १२ गतेबाट संचालन गर्ने कोराना विरुद्ध सघन खोप अभियानमा प्रचारप्रसार र खोप लगाउन अपिल गरेका छन् ।
प्रत्येक वडा र टोलटोलमा कोराना विरुद्धको दोश्रो चरणको खोप अभियान संचालन गर्ने तयारी थालेको छ । भोक्राहा नरसिंहको वडा नंम्बर १ ढोकदेखी वडा नम्बर ८ भारतीय सीमासम्ममा प्रत्येक टोलमा नै कोराना विरुद्ध खोप अभियान संचालन गर्ने भएको भन्दै प्रत्येक नागरिकलाई खोप लगाउन उनले अपिल गरेका हो ।
सरोकारबालासंगको अन्तरक्रिया कार्यक्रममा भोक्राहा नरसिंह गाउँपालिकाका स्वास्थ्य शाखा प्रमुख आलम अंसारीले पालिकाभरीमा ४० प्रतिशतले खोप लगाएको र बाँकी रहेको ६० प्रतिशतलाई पनि पूर्ण खोप लगाउने गरी कोराना विरुद्ध खोप अभियान संचालन गर्ने जानकारी दिए ।
स्वास्थ्य प्रमुख अन्सारीले पहिलो चरणको खोप अभियानमा पालिकाभित्र ४० प्रतिशत मात्र खोप लगाएको प्रतिवेदन प्रस्तुत गरेका थिए । उनले अब शतप्रतिशत खोप लगाउनुपर्नेमा जोड दिदै पालिकाका सबै सरोकारवालाहरुले सहयोग गरेमात्र पूर्ण खोप अभियान सफल हुने जिकिर गरे ।
कार्यक्रममा सशस्त्र प्रहरी निरीक्षक भुवन केसी, अरुण पाण्डे, वडा अध्यक्ष हारुन अंसारी, जनता समाजवादी पार्टीका महेन्द्र यादव, नेकपा एमालेका रामकुमार मेहता, नेकपा माओवादी केन्द्रका हेमनारायण मण्डल, जनमत पार्टीका देवराम मधेसी, पत्रकार जयकृष्ण यादव लगायतले कोराना विरुद्ध खोप अभियानमा सहयोग गर्ने प्रतिवद्धता जनाएका थिए ।
