भोक्राहा । सुनसरीको भोक्राहा नरसिंहमा नेकपा एमालेमा प्रवेश गर्नेको लर्को लागेको छ । गाउँमा नेपाल कम्युनिष्ट पार्टी एमाले प्रतिको मोह बढेकाले भोक्राहा नरसिंहमा एमाले प्रवेशको लर्को लगोको हो ।
पार्टीको भोक्राहा नरसिंह वडा नं ४ चिरोली चौकमा आयोजित पार्टी प्रवेश कार्यक्रममा मुस्लिम समुदायका अगुवा ऐयुव अन्सारीको अगुवाइमा बिभिन्न पार्टी परित्याग गरी नेकपा एमालेमा प्रवेश गरेको हो । नेकपा एमालेमा भोक्राहा नरसिंहका २५ जना भन्दा बढी प्रवेश गरेका छन् ।
नेपाली कांग्रेस र जनता समाजवादी पार्टीका नेता तथा कार्यकर्ताहरु नेकपा एमालेमा प्रवेश गरेको आयोजकले जनाएको छ । भोक्राहा नरसिंहमा पछिल्लो समय नेपाली कांग्रेसमा प्रवेश गर्ने लर्को लागेपछि नेकपा एमाले गाउँ कमिटिले पनि सक्रियता बढाएको हो ।
कार्यक्रम नेकपा एमालेका नेता तथा प्रदेश संसद एवम पूर्व मन्त्री जगदीश प्रसाद कुसियतको प्रमुख अतिथित्य, जिल्ला कमिटि अध्यक्ष रेवतीरमण भण्डारी, जिल्ला सचिव पर्शुराम यादव, नेकपा एमालेका नेता राम प्रसाद मेहता,जफर जमाली, सरोज पोखरेल, रामचन्द्र मेहता लगायतकाले नवप्रवेशीहरुलाई टिका लगाएर पार्टीमा स्वागत गरेका थिए ।
भोक्राहा नरसिंह गाउँपालिका नेकपा एमाले गाउँ कमिटिका अध्यक्ष रामकुमार मेहताको अध्यक्षतामा पार्टी प्रवेश कार्यक्रम सम्पन्न भएको हो । नेकपा एमाले भोक्राहा नरसिंहका सचिव हातिम अंसारीले कार्यक्रम संचालन गरेका थिए ।
