इनरुवा । मुलुकमा पारासिटामोल अभाव भएको बेला नेपाली कांग्रेसका युवा नेता डा.अबुल हुसेन अन्सारीले निःशुल्क पारासिटामोल वितरण गरेका छन् । नेपाली कांग्रेसको १४ औं महाधिवेशनमा सुनसरी क्षेत्र नम्बर–४ बाट केन्द्रीय महाधिवेशन प्रतिनिधिमा निर्वाचित भएर नेपाली कांग्रेस केन्द्रीय सदस्यमा पराजित भएका डा अबुल हुसेन अन्सारीले निःशुल्क पारासिटामोल वितरण गरेका हुन् । बुधवार औषधि व्यवस्था विभाग, विजुलीबजार अगाडि निःशुल्क औषधी वितरण गरिएको बताइएको छ ।
आयान हेल्थ केयर प्रालि र अनमोल हेल्थ केयर प्रालिका संचालक समेत रहेका नेता हुसेनले ५ सय ४१ जनालाई ७ हजार ३ सय पारासिटामोल वितरण गरिएको हो । काठमाण्डौं लगायतका अन्य ठाउँमा पारासिटामोल अभावका कारण सर्वसाधारणहरुले सास्ती खेप्दै आएको बेला नेता हुसेनले औषधि व्यवस्था विभाग, विजुलीबजार अगाडि निःशुल्क औषधी वितरण गरिएको हो ।
स्वास्थ्य तथा जनसंख्या मन्त्रालयले उपत्यकाका विभिन्न अस्पतालमा हिजो मात्र पारासिटामोल पठाएको छ । तर पनि अभाव देखाउँदै औषधि पसलले सिटामोल नदिएको गुनासो आउने क्रम जारी रहेको बेला नेता हुसेनले निःशुल्क औषधी वितरण गरेका हुन् ।
नेता हुसेनले काठमाण्डौं उपत्यकामा सिटामोल अभाव भएकाले आयान हेल्थकेयर र अनमोल हेल्थकेयर प्रालिको तर्फबाट निःशुल्क वितरण गरिएको बताए । स्वास्थ्य नै धन हो उनले भने, ‘ औषधी अभावका कारण सर्वसाधारणहरु सास्ती खेपेको बेला आफुले निःशुल्क औषधी वितरण गरेको हो । विरामीहरुको स्वास्थ्यलाई ख्याल गर्दै सेवा गर्ने उद्देश्यले ७ हजार ३ सय सर्वसाधारणहरुलाई निःशुल्क वितरण गरेको छु । आगामी दिनमा पनि स्वास्थ्य क्षेत्रमा सेवा गर्ने भावनाले काम गर्नेछु ।’
नेपाली कांग्रेसका युवा नेता डा. अबुल हुसेन अन्सारीले निःशुल्क पारासिटामोल बाँडेका हुन् । १० हजार भन्दा बढीलाई निःशुल्क मास्क समेत वितरण गरिएको डा हुसेनले जानकारी दिएका छन् ।
कार्यक्रममा नेपाली कांग्रेसका केन्द्रीय सदस्य एवम् पूर्वसांसद रामहरि खतिवडा, नेपाल औषधि आयातकर्ता संघका महासचिव पवन आचार्य, नेपाल औषधि उत्पादक संघका महासचिव विप्लव अधिकारीलगायतको उपस्थिति रहेको थियो ।
