इनरुवा । जनता समाजवादी पार्टी नेपाल जिल्ला समन्वय समिति सुनसरीले पक्राउ परेका तीन जना विद्यार्थी नेताहरुलाई निशर्त रिहा गर्नुपर्ने माग गरेको छ । जनता समाजवादी पार्टी नेपालको भातृ संगठन समाजवादी विद्यार्थी युनियनका तीनजना विद्यार्थीहरुलाई निशर्त रिहा गर्नुपर्ने माग गरेको हो ।
जनता समाजवादी पार्टी नेपाल जिल्ला समन्वय समिति सुनसरीले सोमवार प्रेस विज्ञप्ति जारी गर्दै पक्राउ परेका तीन जना विद्यार्थी नेताहरुलाई निर्शत रिहा नगरे चरणवद्ध अन्दोलन गर्ने चेतावनी दिएको छ ।
आइतवार कोसी गाउँपालिकाको मुलगेट अगाडी आन्दोलन गर्ने क्रममा कोसी गाउँपालिकाका अध्यक्ष ऐयुव अन्सारीले चढ्ने सरकारी गाडी को १ झ ५३९ नम्बरमा तोडफोड गरेको र अध्यक्ष कार्यकक्षमा गाली गलौज गरेको भन्दै सुनसरी प्रहरीले पाँच जना आन्दोलनकारीहरुलाई पक्राउ गरी सोमवार पाँच दिनको म्याद थप गरी अनुसन्धान प्रक्रिया अगाडी बढाएको प्रति जसपा नेपाल सुनसरीको ध्यानाकर्षण भएको हो ।
जसपा नेपाल जिल्ला समन्वय समिति सुनसरीका सह–सचिव अभिनन्द यादवद्धारा हस्ताक्षरित प्रेस विज्ञप्तिमा भनिएको छ ,‘समाजवादी विद्यार्थी युनियनका जिल्ला सह–सचिव ब्रहमदेव यादव, कोसी गाउँपालिका समाजवादी विद्यार्थी युनियनका अध्यक्ष देवकुमार यादव र विकास यादवलाई गिरप्mतार गरि झुठा मुद्दा चलाउने कार्य समेत गरिएको हुदाँ उक्त कार्यको घोर भत्र्सना गर्दै निशर्त विद्यार्थी नेताहरुलाई रिहा गर्नुपर्ने जोडदार माग गर्दछौं ।’
त्यसैगरी समाजवादी विद्यार्थी युनियन १ नम्बर प्रदेश समितिका अध्यक्ष रविन खम्बुले समेत प्रेस विज्ञप्ति जारी गर्दै विद्यार्थी नेताहरुलाई सुनसरी प्रहरीले गिरप्mतार गरेको घटनाको घोर भत्र्सना गरेको छ । भ्रष्टाचारीहरुलाई तुरुन्तै छानविन गरी कानुन बमोजिम कार्वाही गर्न सम्वन्धित निकायको ध्यानाकर्षण समेत प्रेस विज्ञप्ति मार्फत गराएको छ । पक्राउ परेका विद्यार्थी नेताहरुलाई बिना शर्त रिहा गर्न समाजवादी विधार्थी युनियन १ नम्बर प्रदेश समितिले जोडदार माग गर्दै निशर्त रिहा नगरिए चरणवद्ध आन्दोलनमा होमिने चेतावनी समेत दिएको छ ।
त्यसैगरी जनता समाजवादी पार्टी नेपाल कोसी कार्य समितिका अध्यक्ष भूपेन्द्र कुमार खेरवारले समेत प्रेस विज्ञप्ति जारी गर्दै पक्राउ परेका विद्यार्थीहरुलाई निशर्त रिहा नगरिए अन्दोलन गर्ने चेतावनी समेत दिएको छ ।
जसपा नेपाल जिल्ला समन्वय समिति सुनसरीका सह–सचिव यादवले मंगलवारबाट आन्दोलन सुरु गर्ने भएको हुदाँ आन्दोलनलाई सफल बनाउन नेता तथा कार्यकर्ताहरुलाई आग्रह समेत गरेका छन् ।
