इनरुवा । इनरुवा उद्योग वाणिज्य संघले किराना व्यवसायीहरुको वस्तुगत संघ गठन गरेको छ । किराना व्यवसायी वस्तुगत संघको अध्यक्षमा कैलाश राय सर्वसम्मतबाट चयन भएका छन् ।
इनरुवा उद्योग वाणिज्य संघ इनरुवाको सभाहलमा भेला भएका इनरुवाका किराना व्यवसायीहरुले सर्वसम्मतबाट समिति चयन गरेको हो । किराना व्यवसायी वस्तुगत संघका उपाध्यक्षमा सकिल रहमान, सचिवमा आशिष जैन, सहसचिवमा जीवन साह र कोषाध्यक्षमा युवराज दाहाल चयन भएका हुन् । त्यसैगरी सदस्यहरुमा सुनिल साह, राजन साह, निजय खड्का, राजेश मेहता, श्याम रौनियार, देवेन्द्र साह, दिलीप पौदार, कविता पौदार, मिरा भण्डारी र श्यामदेव मण्डल चयन भएका हुन् ।
किराना व्यवसायीहरुको भेलाका प्रमुख अतिथि इनरुवा उद्योग वाणिज्य संघका अध्यक्ष वीरेन्द्र शाहले वस्तुगत संघ निर्माण गर्ने किराना व्यवसाय वस्तुसंघ निर्माण गरेको बताए । अध्यक्ष शाहले उद्योग वाणिज्य संघको निर्वाचनको बेला वस्तुगत संघ निर्माण गर्ने प्रतिवद्धतालाई कायम गर्दै कामलाई अगाडी बढाएको समेत बताए ।
निर्वाचनको बेला व्यापारीहरुलाई एकीकृत गरी काम गर्न सहज हुने भएकाले वस्तुगत संघ निर्माण भएपछि व्यापारीहरुको हक अधिकारलाई सुनिश्चित हुने थलोको रुपमा भएकाले ढिलो भएपनि कार्यान्यवयन गरेको उनको कथन थियो ।
