इनरुवा । प्रेस चौतारी नेपाल धरानको अध्यक्षमा रोशन दाहाल चुनिएका छन् । प्रेस चौतारी धरानको तेस्रो अधिवेशनबाट आइतवार अध्यक्षमा दाहाललाई चुनेको हो ।
प्रेस चौतारी धरानको उपाध्यक्षमा रमेश राई र मेरिना तुम्सा, सचिव सन्जोग बाबु दाहाल, सहसचिव सन्देश तिमिल्सिना र ललित राई, कोषाध्यक्ष देबिका चाम्लिङ चयन भएका छन् ।
त्यसैगरी सदस्यहरुमा अरुण राई, मौसमी कार्की, स्नेहा श्रेष्ठ, प्रतीक्षा विशुन्खे, आइतु माया तामाङ, अनुपा राई चयन भएको प्रेस चौतारी सुनसरीका सचिव दिनेश गजमेरले जानकारी दिएका छन् ।
प्रेस चौतारी नेपालको तेस्रो अधिवेशनमा धरानका क्रियाशिल दुई जना पत्रकारलाई नगद पाँच हजार र प्रंशसा पत्र सहित सम्मानित भएका छन् । सम्मानित हुनेहरुमा हर्ट एफएमका रमेश राई र कृति टेलिभिजनकी मौसमी कार्की रहेका छन् ।
