इनरुवा । इनरुवा नगरपालिकाका मेयर राजन मेहताले इनरुवा अस्पताललाई राजनीतिक अखडा नबनाउन सबैलाई आग्रह गरेका छन् । प्रजातन्त्र दिवसको अवसरमा इनरुवा अस्पतालका बिरामीहरुलाई फलफुल वितरण कार्यक्रमलाई सम्वोधन गर्दै अस्पताललाई राजनीति अखडा नबनाउन सबैलाई आग्रह गरेका हुन् ।
नेपाली कांग्रेस इनरुवा नगर सभापति समेत रहेका मेहताले भने,‘अस्पताल, शिक्षा र खेलकुद क्षेत्रमा राजनीतिको अखडा बनाउनु हँदैन् । यस्ता क्षेत्रमा सके सहयोग गरौ, नसके आ–आप्mनो स्तरबाट जय जय गर्नुपर्छ । नेपाली कांग्रेसले विकासको गतिविधिलाई निषेध गर्दैन् । अस्पताल, विद्यालय लगायतको क्षेत्रमा कांग्रेसले राजनीति गर्दैन् ।’
इनरुवा अस्पतालको व्यवस्थापन पक्षलाई बलियो बनाउनुपर्छ भन्ने हाम्रो चाहनो हो उनले भने, ‘इनरुवा अस्पताललाई नगरपालिकाबाट सहयोग भएको छ र अगामी दिनमा पनि हुनेछ । लोकतन्त्रमा सम्मानजनक रुपले आ–आफना कुराहरु राख्न र विरोध गर्ने अवसर पाउनुपर्छ ।
संघीय सांसद सीताराम मेहताले थाइरेड मेसिन र कतार च्यारेटीको सहयोगमा इनरुवा अस्पताललाई समाग्रीहरु उपलब्ध गराएको उनले बताए । इनरुवा अस्पतालमा अटो ऐनेलेजर मेसिन आवश्यकता भएकोले इनरुवा नगरपालिकाबाट उपलब्ध गराउने प्रतिवद्धता व्यक्त गरेका छन् । जनप्रतिनिधिको सेवा सुविधा काटेर भएपनि मेसिन उपलब्ध गराउने उनले आश्वासन दिएका थिए ।
नेपाली कांग्रेस इनरुवा नगर कार्यसमितिको निर्णय अनुसार इनरुवा अस्पतालका विरामीहरुलाई बिहीवार फलफुल वितरण गरेको छ । आज इनरुवा अस्पतालमा सरसफाई कार्यक्रम रहेको समेत इनरुवा कांग्रेसले जनाएको छ ।
