इनरुवा । सुरक्षीत आप्रवासन परियोजनाले सुनसरीको भोक्राहा नरसिंह गाउँपालिकाका जनप्रतिनिधि र समुदायका अगुवाहरुसंग आप्रवासनको असर तथा प्रभाव सम्बन्धि एक दिने अभिमुखिकरण कार्यक्रम सम्पन्न गरेको छ ।
सामी परियोजना, हेल्भेटासको सहयोगमा भोक्राहा नरसिंह गाउँपालिका र इनरुवा नगरपालिकामा सुरक्षीत आप्रवासन परियोजना संचालन भएकाले भोक्राहा नरसिंह गाउँपालिकाका जनप्रतिनिधिहरुलाई आप्रवासनको असर तथा प्रभाव सम्बन्धि एक दिने अभिमुखिकरण कार्यक्रम सम्पन्न भएको हो ।
कार्यक्रममा प्रमुख अथिति एंव गाउँपालिका अध्यक्ष महेन्द्र प्रसाद यादवले स्वदेशमा नै रोजगारी गर्न युवाहरुलाई अनुरोध गरेका छन् । यादवले बैदेशिक रोजगारीमा जाने नै भए सहि सुचना लिएर र सीप सिकेर मात्र विदेश जानका लागि युवाहरुलाई आग्रह गरेका हुन् । कार्यक्रमलाई सम्वोधन गर्दै पालिका अध्यक्ष यादवले सामी परियोजनाले सुचना, न्याय, सीपमा पहुँच पुर्याउनका लागि मदत गर्दै आएकोले वैदेशिक रोजगारमा गएका युवाहरुलाई समस्या भए सम्र्पक गर्न समेत अनुरोध गरे ।
वैदेशिक रोजगारमा गएका युवाहरुलाई परेको समस्या तथा जान चाहने युवाहरुलाई बैदेशिक रोजगारका बारेमा जनप्रतिनिधिहरुले पनि जान्नुपर्ने र सहयोग गर्नुपर्ने भएकाले जनप्रतिनिधिहरुलाई एकदिने अभिमुखिकरण कार्यक्रमको आयोजना गरिएको सामीका कार्यक्रम संयोजक धिरज भट्टराईले बताए ।
उनले आम नागरिकलाई बैदेशिक रोजगारीमा जानूपर्ने नेपाली नागरिकको वाध्यता सरकारले बैदेशिक रोजगारमा लागु गरेको नीति बैदेशिक रोजगार विभाग बैदेशिक रोजगार प्रर्वद्धन बोर्डको नीति एवम् कार्यन्वयनको विषयमा समेत प्रष्ट पारेको बताए ।
यता नेपालबाट जतिपनि कामदार बिदेश जान्छन् उनिहरु खाडी मुलुकमा भोकभोकै दिनरात अलपत्र पर्दा बिदेश जाने जनताको सवालमा राम्रो नीति नियम नबन्दा बैदेशिक रोजगारमा गएका नेपाली थप पीडामा पर्ने गरेको जिल्ला कार्यक्रम अधिकृत देवनारायण चौधरीले बताए ।
सरकारले जति नीति बनाए पनि हजारौँ खाडि मुलुक पसेका नेपाली दाजुभाई दिदीबहिनीको समस्या अझै उस्तै देखिएको छ ।
उनले भने ‘खाडी मुलुकमा रोजगारमा गएको कामदारले नेपालमा मेनपावर कम्पनीले भने भन्दा फरक काम गर्नु पर्छ । कतिपय कम्पनीले राम्रो काम पर्छ भन्दै मोटो रकम असुलेर अलपत्र परिदिएका छन् ।’ बैदेशिक रोजगारीमा जुनसुकै देश जानु अगाडि सबै कानुनी बाटो कामकार्य अपनाउनु पर्नेमा सुझाव दिएको थियो ।
अन्तरक्रिया कार्यक्रममा कार्यक्रम अधिकृत चौधरीले भने सामुदायीक विकास संस्था सिडियो सुनसरी सहकार्यमा इनरुवा नगरपालिका र भोक्राहा नरसिंह गाउँपालिका सञ्चालित सुरक्षित आप्रवासन सामी परियोजनाले बैदेशिक रोजगारमा जाने सबै नागरिकलाई सकेसम्म विदेश नगई स्वेदेशमै आत्मनिर्भर बन्नुपर्नेमा उनले जोड दिएका थिए । उनले भने,‘सामी परियोजनाले वैदेशिक रोजगारमा जाँदा कानुनी समस्यामा परेकालाई कानुनी सेवा सूचनाको पहुँच सामीले दिने तालिममा दक्ष गराउने कार्यमा सहयोग समेत गर्दै आएको बताए ।’
