इननरुवा । इनरुवा नगरपालिकाका मेयर राजन मेहताले शहरी पु्र्वाधार विकास आयोजना अन्तर्गत नगर विकास कोष र इनरुवा नगरपालिकाबीच इनरुवा सपिङ्ग कम्प्लेक्स आयोजना निर्माणका लागि ऋण सम्भौता भएको बताएका छन् ।
इनरुवा १ स्थित हालको सुपरमार्केट भएको स्थानमा “इनरुवा सपिङ्ग कम्प्लेक्स“ निर्माण गर्न नगर विकास कोषसंग सम्झौतामा इनरुवाका मेयर मेहता र नगर विकास कोषका कार्यकारी निर्देशक कृष्ण प्रसाद सापकोटाबीच हस्ताक्षर गरेका हुन् । सम्झौता गर्न आइतवार इनरुवा नगरपालिकाका मेयर राजन मेहता, प्रमुख प्रशासकीय अधिकृत डिल्लीराज निरौला र इन्जिनियर उमेश्वर मेहता काठमाण्डौ पुगेका थिए ।
इनरुवा सपिङ्ग कम्प्लेक्सका २४ करोड ३१ लाख ५८ हजारको लागतमा निर्माण हुने बताइएको छ । सो सपिङ्ग कम्प्लेक्सका लागि नगर विकास कोषको ८० प्रतिशत ऋण र इनरुवा नगरपालिकाको २० प्रतिशत लगानी रहने समेत सम्झौता पत्रमा उल्लेख गरिएको छ । कम्प्लेक्स निर्माणको लागि टेन्डर प्रक्रिया तुरुन्त प्रारम्भ गरिने इनरुवा नगरपालिकाका इन्जिनियर उमेश्वर मेहताले जनाएको छ । 
उनका अनुसार आयोजना अन्तर्गत इनरुवा मलको नक्शा डिजाइन र इष्टिमेट अनुसार शिव मन्दिर पूर्वतर्फ रहेको सुपर मार्केट भवन भएको स्थानमा पाँचतले भवन निमार्ण हुनेछ । त्यसैगरी राष्ट्रिय वाणिज्य बैक अगाडी तर्फ रहेको भवन भएको स्थानमा तीन तल्लाको भवन निमार्ण हुनेछ ।
मेयर मेहताले सामाजिक संजालमा लेखेका छन्,‘कम्प्लेक्सले शिव मन्दिर, गणेश मन्दिर र घन्टाघरलाई समेत समेट्ने छ । कम्प्लेक्सको सबैभन्दा माथी सुबिधा सम्पन्न पौडी पोखरी ( स्विमिङ पुल ) समेत रहने छ ।’ कम्प्लेक्सको आम्दानीले सम्रग नगरलाई केही मात्रामा आर्थिक टेवा पुर्याउने मैले आसा राखेको छु । म एउटा जननिर्वाचित प्रतीनिधि हु । हाम्रो कार्यकाल अस्थाई हुन्छ , आज म छु भोलि म नहुन पनि सक्छु तर कोहि पक्कै हुनेछ ।
यो मेरो ड्रीम प्रोजेक्ट थियो जुन मैले मेरो कार्यकालको मायाको चिनोको रुपमा नगरलाइ दिने मेरो सपना थियो जुन आज पूरा हुदैछ ।
यो परियोजनाको काम तत्काल सुरु हुनेछ र सम्झौता अनुसार १८ महिना भित्र सम्पन्न गर्ने लक्ष्य रहेको छ । मेयर मेहताले नगरबासीको सल्लाह, सुझाव, साथ र सहयोगको अपेक्षा समेत गरेका छन् ।
