गनेश कुमार यादव
इनरुवा । सुनसरीको दुहवी नगरपालिकामा दोस्रो उप–प्रमुख महिला भलिबल प्रतियोगिता बिहिबार सम्पन्न भएको छ । बिहिबार दुहबीको खेल मैदानमा दोस्रो उप–प्रमुख महिला भलिबल प्रतियोगिता सम्पन्न भएका हो ।
दोस्रो उप–प्रमुख महिला भलिबल प्रतियोगितामा इटहरी उप–महानगरपालिकाले प्रथम स्थान हात पर्न सफल भएका थिए भने दुहबी नगरपालिकाले दोस्रो स्थान हात पारेका थिए । उक्त प्रतियोगिता बेस्ट अफ फाईबको आधारमा खेलाईएको थियो । बेस्ट अफ फाईबमा इटहरी उप–महानगरपालिकाले तिन गेममा जित हाँसिल गर्न सफल भएका थिए भने दुहबी नगरपालिकाले दुई खेल हात पारेका थिए ।
दोस्रो उप–प्रमुख महिला भलिबल प्रतियोगीतामा प्रथम भएका टिमलाई नगद रु तिस हजार सहित मेडल,प्रमाणपत्र र ट्रफि दुहवी नगरपालिकाकी उप–प्रमुख सुनिता खाहाल साहले हस्तान्तरण गरेकी थिइन् । त्यसरीनै दोस्रो स्थान हात पार्न सफल भएका टिमलाई मुन्ना अलुवाई र अरबिन्द्र बिश्वासले नगद रु पन्ध्र हजार सहित मेडल,प्रमाणपत्र र ट्रफि हस्तान्तरण गरेका थिए ।
उक्त प्रतियोगितामा पत्रकारहरुले पु¥याएको योगदानको सम्मान गर्दै पत्रकार प्रेम गिरी,चन्दन रौनियार,अकबर अली,अर्जुन खड्का, गनेश कुमार यादव,संजय साहीलाई सुनसरी जिल्ला खेलकुद क्लबका अध्यक्ष तरुण कुमार यादवले सम्मान–पत्र प्रदान गरी सम्मान गरेका थिए ।
सुनसरी जिल्ला खेलकुद क्लबका अध्यक्ष तरुण कुमार यादवकाले खेलाडीहरुलाई शुभकामना दिंदै आगामी दिनमा अझै मेहेनत गरी भलिबल खेलले नै विश्वभरी सुनसरीलाई चिनाउँने विश्वास ब्यक्त गरे । उनले आगामी दिनहरुमा पनि यसरी नै अरु–अरु खेलहरुको आयोजना गरेर खेलाडीहरुको मनोबल बढाई नयाँ खेलाडीहरु उत्पादन गर्नमा सबै अग्रसर हुनुपर्नेमा जोड दिएका थिए ।
दुहबी नगरपालिकाको आयोजनामा र जिल्ला खेलकुद क्लब इनरुवा सुनसरीको संयोजकत्वमा उक्त प्रतियोगिता सम्पन्न भएको थियो ।
प्रतियोगितामा प्रमूख अथिती दुहबी नगरपालिकाकी उपप्रमुख सुनिता दाहाल साह,विशिष्ट अतिथी दुहबी न.पा.वडा नं ः–५ का वडा अध्यक्ष रमेश रौनियार,राजन बस्नेत,कलावती चौधरी,शिक्ष शाखा प्रमुख निलमणी खनाल,पत्रकार प्रेम गिरी,चन्दन रौनियार,अकबर अली,गनेश कुमार यादव,अर्जुन खड्का लगायतको सहभागिता रहेको थियो ।
दोस्रो उप–प्रमुख महिला भलिबल प्रतियोगीता सुनसरी जिल्ला खेलकुद क्लबका अध्यक्ष तरुण कुमार यादवको अध्यक्षतामा सम्पन्न भएको थियो भने मुना बिष्टले कार्यक्रम सञ्चालन गरेकी थिइन् ।
