हरिनगर । सुनसरीको हरिनगर गाउँपालिका वडा नम्बर–४ को वडा कार्यालय उद्घाटन भएको छ । हरिनगर गाउँपालिका वडा नम्बर–४ को वडा कार्यालय बुधवार एक कार्यक्रमका बीच विधिवत उद्घाटन भएको हो ।
नेपाली कांग्रेसका केन्द्रीय सदस्य एवं प्रदेश १ का संसदीय दलका नेता राजीव कोइराला र हरिनगर गाउँपालिकाका अध्यक्ष गफार अन्सारीले संयुक्त रुपले उद्घाटन गरेका हुन् । हरिनगर–४ को वडा कार्यालयबाट सेवा प्रवाह हुने गरी कार्यालयको उद्घाटन भएको हो । हरिनगर–४ को वडा कार्यालयको भवन सुविधा सम्पन्नबाट सर्वसाधारणहरुलाई सेवा प्रवाह गर्दै आएका छन् ।
नेपाली कांग्रेसका केन्द्रीय सदस्य तथा प्रदेश १ का संसदीय दलका नेता राजीव कोइरालाले स्थानीय तहको निर्वाचनमा एकजुट भएर जानुपर्ने बताएका छन् । स्थानीय तहको निर्वाचनमा गठवन्धन आवश्यकता अनुसार गर्नुपर्नेमा उनले जोड दिएका छन् ।
केन्द्रीय गठवन्धन अनुसार स्थानीय तहको निर्वाचनमा गठवन्धन हुन नसक्ने उनले बताउँदै पार्टीको टोल तथा वडाका प्रतिनिधिहरुले दिएको जानकारी अनुसार अवस्था हेरेर नेपाली कांग्रेस चुनावी मैदानमा उत्रने बताए । चुनावी अभियान अन्र्तगत गाउँ घरमा काग्रेस पुग्ने गरेको उनले बताए । चुनावलाई स्वच्छ, मर्यादित बनाउन पनि सबैलाई उनले अनुरोध समेत गरेका छन् । आउँदो बैशाख ३० गते हुने स्थानीय तहको निर्वाचनमा गुटवन्दी नगर्न र कांग्रेसलाई सहयोग गरी सबै स्थानीय तहको निर्वाचनमा बिजयी गराउन आ–आफ्नो ठाउँबाट सहयोग गर्न अपिल समेत उनले गरेका छन् ।
त्यसैगरी नेपाली कांग्रेस सुनसरीका सभापति केदार भण्डारीले हरिनगर–४ को वडा कार्यालयबाट जनतालाई समयमै सेवा प्रवाह गर्न अनुरोध गरेका छन् । सभापति भण्डारीले हरिनगर–४ को वडा कार्यालयको भवनबाट जनताको मर्म र भावना अनुसार सेवा प्रवाह गरी जनताको मन जित्न आवश्यक रहेको बताए । आउँदो स्थानिय तहको निर्वाचनमा कांग्रेसको किल्ला गाडनका लागि एकजुट हुनुपर्ने आजको आवश्यकतालाई मध्यनजर गर्दै कांग्रेसको संगठनलाई बलियो बनाउनुपर्नेमा उनले जोड दिए ।
त्यसैगरी हरिनगर गाउँपालिकाका अध्यक्ष गफार अन्सारीले हरिनगरको ७ वटै वडामा कार्यालय स्थापना गर्नका लागि आफुले सहयोग गरेको बताए । हरिनगर गाउँपालिकाले पुर्वाधार विकास, शिक्षा, स्वास्थ्य र कृषि क्षेत्रमा फडको मारेको समेत उनले बताए ।
२०७४ सालमा भएको स्थानिय तहको निर्वाचनमा आफु निर्वाचित भएपछि हरिनगरको विकासका लागि दिनरात एक गरेर काम गरेको उनले बताउँदै जनताको मर्म र भावना अनुसार हरिनगरालाई सदरमुकामको रुपमा जोडने प्रयास गरेको बताए । अध्यक्ष अन्सारीले हरिनगर गाउँपालिकामा वडा कार्यालय भवन, स्वास्थ्य भवन,कालोपत्रे सडक, विद्यालय भवनहरु ल्गायतका कामहरुमा पालिकाले बिशेष प्राथमिकताका साथ कामहरुलाई अगाडी बढाएको समेत उनले बताए । जनताको चाहना अनुसार विकास गरेको दावी समेत उनले गरे ।
हरिनगर गाउँपालिका वडा नम्बर–४ का वडाध्यक्ष सुदीलाल मेहताको अध्यक्षतामा वडा कार्यालय भवन उद्घाटन कार्यक्रम सम्पन्न भएको थियो । उक्त कार्यक्रममा प्रदेश सांसद ताहिर अन्सारी, हरिनगर गाउँपालिकाका उपाध्यक्ष रिमझिम कुमारी भगत, नेपाली कांग्रेस सुनसरी क्षेत्र नम्बर ४ प्रदेश(ख) का सभापति भिखारी मण्डल, उपसभापति शिवहरी श्रेष्ठ, नेपाली कांग्रेस सुनसरी क्षेत्र नम्बर–२ का सभापति लिलामणी सुवेदी लगायतको समाजसेवी, बुद्धिजीवी, नागरिक समाज, महिला तथा युवाहरुको सहभागिता रहेको थियो । हरिनगर–४ का वडा सदस्य राजेश कुमार पालले कार्यक्रम संचालन गरेको थियो ।
