हरिनगर । सुनसरीको हरिनगर गाउँपालिका ४ मा नेपाली कांग्रेसबाट १४ जना वडाध्यक्ष पदका लागि दावेदार देखिएका छन् । नेपाली कांग्रेस हरिनगर ४ वडा कार्यसमितिको बसेको बैठकमा हरिनगरका १४ जनाले आउँदो स्थानिय तहको निर्वाचनमा वडाध्यक्ष पदका दावेदार देखिएका हुन् ।
हरिनगर ४ मा १४ जना मध्येमा एक जना मात्र महिलाले वडाध्यक्ष पदमा दावेदार बनेकी छिन् । नेपाली कांग्रेसको निर्देशन अनुसार वडाले उम्मेदवारहरुको नामावाली सिफारिस गर्नुपर्ने भएकाले नेपाली कांग्रेस हरिनगर ४ ले १४ जनाको नाम वडाध्यक्ष पदका लागि सिफारिस गरिएको हो ।
वडाध्यक्ष पदका आकांक्षीहरु हरिलाल मेहता, राजेश कुमार पाल, इरफान अन्सारी, रामदेव मण्डल, सुदीलाल मेहता, हरिलाल पंडित, उमेश प्रसाद मेहता, हिरालाल पाल,कृष्ण प्रसाद देव, मोजमिल अन्सारी, शिवहरी श्रेष्ठ, सत्य नारायण मालाकार, रजाक अन्सारी र सरिता देवी देव रहेका छन् ।
अघिल्लो स्थानीय तहको निर्वाचनमा नेपाली कांग्रेसबाट टिकट पाएर निर्वाचित भएका सुदीलाल मेहता पुनः वडाध्यक्ष पदमा दोहोर्याउने भएका छन भने वडा सदस्य राजेश कुमार पालले आउँदो स्थानिय तहको निर्वाचनमा वडाध्यक्ष पदका दावेदार रहेका छन् ।
पाँच वर्षे कार्यकालमा वडाध्यक्ष मेहता र सदस्य पालले हरिनगर ४ को विकासका लागि कुनै पनि काम नगरेको सर्वसाधारणहरुले गुनासो गर्दै आएका छन् । हरिनगर ४ को विकासमा हनिरगर ४ का वडाध्यक्ष सहित पदाधिकारीहरुले कुनै वास्ता नगरेको सर्वसाधारणहरुले गुनासो गरेको बेला आउँदो स्थानीय तहको निर्वाचनमा उनीहरुले टिकटका लागि दौडधुप सुरु गरेको स्थानीयबासीहरु बताउँछन् ।
वडाध्यक्ष पदका १४ जना दावेदार मध्ये अहिले इरफान अन्सारी, शिवहरी श्रेष्ठ, हरिलाल मेहता, राजेश कुमार पाल, हिरालाल पाल, कृष्ण प्रसाद देव र सुदीलाल मेहताको नाम चर्चामा रहेका छन् । उनीहरुले टिकट पाउनका लागि आफना नेताहरु माझ दौडधुप सुरु गरेका छन् ।
गत स्थानीय तहको निर्वाचनमा वडा सदस्यमा पराजित भएका इरफान अन्सारीलाई आउँदो स्थानीय तहको निर्वाचनमा वडाध्यक्ष पदमा टिकट उपलब्ध गराउनुपर्ने मुस्लिम अगुवा नेताहरु बताउँछन् ।
हरिनगर ४ मा १४ जना मध्ये अधिकांशले एक अर्कालाई समर्थन गर्ने र पाँचदेखी सातजना सम्म अन्तिम अवस्थासम्म वडाध्यक्ष टिकटका लागि अडान कायमै राख्ने समाचार श्रोतको दावी छ । नेपाली कांग्रेस हरिनगर ४ मा वडाध्यक्ष पदका कसले टिकट पाउने भन्ने बिषय अन्योल रहेको छ ।
