हरिनगर । आउँदो बैशाख ३० गते हुने स्थानिय तहको निर्वाचनका लागि नेपाली कांग्रेसबाट हरिनगर गाउँपालिका वडा नम्बर ४ का लागि वडाध्यक्ष पदमा इरफान अन्सारीले दावी प्रस्तुत गरेका छन् ।
गत स्थानीय तहको निर्वाचनमा नेपाली कांग्रेसबाट टिकट पाएर वडा सदस्य पदमा पराजित भएका युवा नेता इरफान अन्सारीले हरिनगर ४ को वडाध्यक्ष पदका लागि आफु योग्य रहेको भन्दै दावी प्रस्तुत गरेका हुन् ।
हरिनगर गाउँपालिका वडा नम्बर ४ को वडाध्यक्ष पदमा युवा नेता अन्सारीको चर्चा सुरु भएका छन् । अहिले चुनावी अभियानसँगै जनताको घरदैलो र भेटघाटमा व्यस्त भएपछि युवा नेता अन्सारी अहिले युवाहरुको ढुकढुकी बनेका छन् ।
युवाहरुमा लोकप्रिय बनेका युवा नेता अन्सारी आप्mनो वडामा विकासका एजेण्डाहरु लिएर वडामा घुम्ने गरेका छन् । जनताको समस्या र विकासलाई बढी प्राथमिकताका साथ काम गर्ने प्रतिवद्धता सहित अहिले उनी चुनावी अभियानमा व्यस्त भएका छन् ।
नेपाली कांग्रेसबाट टिकट पाएर हरिनगर ४ का वडा सदस्यमा झिनो मतले पराजित भएका युवा नेताले आउँदो निर्वाचनमा वडाध्यक्षको टिकट दिए आप्mनो जित सुनिश्चित भएको उनको दावी छ ।
गत स्थानीय तहको निर्वाचनमा झिनो मतले पराजित भएपछि पाँच वर्षमा जनताको मन जित्ने र समस्या समाधान गर्ने कामलाई बढी प्राथमिकता दिएको युवा नेता इरफान अन्सारीले बताएका छन् ।
गत चुनावमा नेपाली कांग्रेसबाट अन्तरघात भएकाले आफु निर्वाचनमा पराजय भोग्नु परेको उनले बताउँदै आउँदो स्थानीय तहको निर्वाचनमा वडाध्यक्ष पदको टिकट उपलब्ध गराउन सबैलाई सहयोग गरीदिन अपिल समेत गरेका छन् ।
नेपाली कांग्रेस हरिनगर ४ मा वडाध्यक्ष पदका लागि एक महिला सहित १४ जना वडाध्यक्ष पदमा आकांक्षी देखिएपनि युवा नेता इरफान अन्सारी बलियो उम्मेदवारका रुपमा प्रस्तुत भएका छन् । पार्टीले मुल्यांकन गरी टिकट उपलब्ध गराउने विश्वास रहेकोले कांग्रेसको अभियानलाई सार्थक बनाउन आफु लागि परेको उनको कथन छ ।
