इनरुवा हार्डवेयर व्यवसायी संघको पदस्थापना तथा शपथग्रहण सम्पन्न

इनरुवा । इनरुवा हार्डवेयर व्यवसायी संघको पदस्थापना तथा शपथग्रहण समारोह सम्पन्न भएको छ ।शुक्रबार उद्योग बाणिज्य संघ इनरुवाको सभाहलमा इनरुवा हार्डवेयर व्यवसायी संघको पदस्थापना तथा शपथग्रहण समारोह सम्पन्न भएको हो ।गत असार ७ गते इनरुवा हार्डवेयर व्यवसायी संघको दोश्रो साधारण सभामा इनरुवा हार्डवेयर व्यवसायी संघमा अध्यक्ष पहलबहादुर कटुवाल,उपाध्यक्षमा मजदुर अन्सारी, सचिवमा सुरेश शर्मा, सहसचिवमा सराजुद्धिन मन्सुरी, कोषाध्यक्षमा रमिद अन्सारी चयन भएका थिए । कार्यसमिती सदस्यमा अरवान अस्लम, नाजिम अन्सारी, जितेन्द्र गुप्ता, राजेश यादव, सुरेश मेहता, जियाउद्धिन अन्सारी, अल्लाउद्धिन अन्सारी र संजय मेहता रहेका थिए ।
कार्यक्रममा आफ्नो शुभकामना मन्तव्य राख्दै कार्यक्रमका प्रमुख अतिथि बिरेन्द्र साहले “शनिबार,आईतबार बजार बन्द गर्ने होईन जस्ले सक्नुहुन्छ २४ घण्टा पसल खोल्ने सुरुवात गरौं ।,‘रात्रिकालिन बजार खोल्न त सम्भव हुदैन कमसे कम हप्ताको सातौं दिन जस्ले सक्नुहुन्छ पसल खोल्ने बानि बसाउँनुस” उनले भने।
पदस्थापना तथा शपथग्रहण समारोहमा प्रमुख अतिथी उद्योग बाणिज्य संघ इनरुवाका अध्यक्ष बिरेन्द्र साह, उद्योग बाणिज्य संघ इनरुवाका संस्थापक अध्यक्ष छगनलाल शर्मा,किराना व्यवसायी संघका अध्यक्ष कैलाश राय,कैलाश पञ्चारीया लगायको उपस्थिती र नव निवार्चित पदाधिकारीहरुको सहभागिता रहेको थियो भने इनरुवा हार्डवेयर व्यवसायी संघमा अध्यक्ष पहलबहादुर कटुवालको अध्यक्षतामा कार्यक्रम सम्पन्न भएको थियो ।