इनरुवा। नेपाली काङ्ग्रेस सहितको सत्तारूढ गठबन्धनको तर्फबाट सुनसरी क्षेत्र नम्बर ४ प्रदेश (ख) का उम्मेदवार हाजी इसराइल मंसुरीले नेकपा एमालेको भ्रम मात्रै हो, माहोल काँग्रेसको पक्षमा रहेको बताएका छन् ।
सुनसरी अनलाइनसगँ कुराकानी गर्दै मंसुरीले नेकपा एमालेका उम्मेदवार तथा नेताहरुले झुठो प्रचार गरेकोप्रती ध्यानाकर्षण भएको बताए । नेकपा एमाले क्षेत्र नम्बर ४ का उम्मेदवारहरुले जनता माझ भ्रम मात्रै फैलाउने काम गरिरहेका छन् उनले भने, अहिले जनता जागरुक भइसकेको छ, त्यसकारण जनता भ्रमको पछि लाग्दैन ।
सुनसरी क्षेत्र नम्बर ४ का जनताको माहोल काँग्रेसको पक्षमा रहेको उनले बताए । काँग्रेस जनताको दु:ख र सुखको पार्टी भएकोले काँग्रेसलाई मतदान गर्नेमा उनी ढुक्क छन् ।
सुनसरी क्षेत्र नम्बर ४ मा काँग्रेसले गरेका विकास र योगदान हेरेर जनताले काँग्रेसलाई भोट हाल्ने उनले बताएका छन् ।
देशमा अहिले सम्मका परिवर्तनहरुमा काँग्रेसको नेतृत्वदायी भूमिका रहेको उनले बताउँदै देशको विकास र समृद्धिका लागि निर्वाचन पछि काङ्ग्रेसले काम गर्ने बताए ।
एमाले जतिसुकै भ्रम फैलाए पनि जनताको बिश्वास र माहोल काँग्रेसको पक्षमा रहेको उनको भनाई छ । नेपाली काङ्ग्रेस सहितको सत्तारूढ गठबन्धनको तर्फबाट सुनसरी-४(ख) को बलिया उम्मेदवारका रुपमा प्रस्तुत भएपछि नेकपा एमालेका उम्मेदवारहरु आतिएर जनतालाई भ्रम फैलाउने काममा सक्रिय भएको उनले बताए ।
जनतामा काङ्ग्रेसका उम्मेदवारहरुको गलत प्रचार गरेर आफ्नो पक्षमा माहोल बनाउन खोजेपनी जनता जागरुक भएकै कारण गलत प्रचारमा नलागेको र यथार्थ बुझेको हुँदा आगामी मंसिर ४ गते काङ्ग्रेसको रुख छापमा मतदान गर्नेमा आफु विश्वस्त रहेको उनले बताए । नेकपा एमाले नेता तथा उम्मेदवारहरुले नाइन्टी नाइन प्रतिशत झुठो बोल्ने र झुठा सपना बाढने गरेकोले नेपाली काङ्ग्रेसको जित सुनिश्चित रहेको आम मतदाताहरुको बुझाई रहेको छ ।
