इनरुवा । सञ्चार तथा सूचना प्रविधि एवं कानुन मन्त्री ज्ञानेन्द्र बहादुर कार्कीले मुलुकमा नेवार समुदायको आर्थिक विकासमा अहम भूमिका रहेको बताउनुभएको छ ।
सुनसरीको इनरुवामा झीनु नेवाः समाज इनरुवा सुनसरीले नेपाल सम्वत ११४३ को अवसरमा आयोजित शुभकामना आदानप्रदान कार्यक्रमलाई सम्वोधन गर्नुहुँदै मन्त्री कार्कीले ७७ वटै जिल्लामा नेवार समुदायले आर्थिक विकासमा टेवा पुगाएको बताउनुभएको हो ।
सरकारका प्रवक्त तथा नेपाली कांग्रेसको केन्द्रिय समेत रहनुभएका मन्त्री कार्कीले नेपाली समाजमा आर्थिक विकासमा टेवा पुगाउने नेवार समुदायको कला,संस्कृति,सम्भयता र छुट्टै पहिचान रहेकोले सरकारले उच्च सम्मान गरेको बताउनुभयो ।
सम्य,सुन्दर र समृद्ध समाज निर्माणमा नेवार समुदायको अहम भूमिका रहेको मन्त्री कार्कीले बताउनुहुँदै समृद्ध नेपालको परिकल्पना पूरा गराउन नेवार समुदायको पनि दायित्व भएकोले आगामी निर्वाचनमा विकास र संविधान रक्षाका लागि नेपाली कांग्रेस सहितको सत्तारुढ गठबन्धनका उम्मेदवारलाई जिताउन आवश्यक रहेको बताउनुभयो ।
नेवार समुदायको संरक्षण,सम्वद्र्धन र संस्कृतिलाई जर्गेना गर्ने जिम्मेवारी नेपाली कांग्रेसको काँधमा आएकोले राजनीतिक स्थिायित्व तथा मुलुकलाई समृद्ध बनाउनका लागि गठवन्धन आवश्यक भएको समेत उहाँले बताउनुभयो ।
शुभकामना आदानप्रदान कार्यक्रमका प्रमुख अतिथि मन्त्री कार्कीले ८२ वर्षका ज्येष्ठ नागरिक दिल बहादुर श्रेष्ठ, ८४ वर्षिया नन्द कुमारी श्रेष्ठ, एसइई परिक्षामा छात्रतर्फ ८८.७५ प्रतिशत ल्याई सर्वोत्कृष्ट रोनज श्रेष्ठ र छात्रातर्फ सृष्टि श्रेष्ठले ८७.२ प्रतिशत ल्याएको हुँदा उनीहरुलाई दोसल्ला ओढाई र सम्मान पत्र प्रदान गरि सम्मान गर्नुभएको छ ।
झिगु नेवाः समाज इनरुवा सुनसरीको आयोजनामा नेपाल सम्वत ११४३ को अवसरमा आयोजित शुभकामना आदानप्रदान कार्यक्रमका विशिष्ट अतिथीहरु जिल्ला समन्वय समितिका प्रमुख राजन मेहता, उपप्रमुख कमला खतिवडा, इनरुवा नगरपालिकाका प्रमुख केदार भण्डारी, उपप्रमुख बिनिता मेहता सहभागिता रहेको थियो ।
त्यसैगरी झिगु नेवाः समाज इनरुवा सुनसरीका अध्यक्ष भुपाल प्रधानको अध्यक्षतामा सम्पन्न भएको कार्यक्रममा सुनसरी–४ (ख) का प्रदेश सदस्य पदका उम्मेदवार हाजी इसराइल मन्सुरी,जिल्ला अस्पताल सुनसरीका मेसु डा. देवराज घिमिरे, नेपाली कांग्रेसको तर्फबाट समानुपातिकतर्फका उम्मेदवार हरिलाल मेहता र फरिदा खातुन र नेपाली कांग्रेसका युवा नेता डा. अबुल हुसैन अन्सारी ज्यू लगायतको सहभागिता रहेको आयोजकले जानकारी दिएको छ ।
