इनरुवा । नेपाली कांग्रेसका केन्द्रीय सदस्य एवं सुनसरी क्षेत्र नम्बर–२ (ख) बाट सत्तारुढ गठबन्धनमा नेपाली कांग्रेसका उम्मेदवार राजीव कोइरालाले स्थानीयसँग समन्वय र सहकार्य गरेर अगाडी बढ्ने बताउनुभएको छ ।
सुनसरीको रामधुनी नगरपालिका वडा नम्बर–१ मा घरदैलो कार्यक्रममा स्थानीयबासीको सरोकारका विषयमा कोइरालाले नीति निर्माण, विकास निर्माण लगायतका कार्यमा आपूmले पूर्ण प्राथमिकता दिएको र आगामी दिनमा समेत यसलाई निरन्तरता दिई प्रत्यक्ष रुपमा स्थानीयबासीसँग समन्वय गरेर अगाडि बढने बताउनुभएको हो ।
नेपाली कांग्रेसका केन्द्रिय सदस्य तथा सुनसरी–२(ख) का उम्मेदवार तथा पूर्व प्रदेश एकका सांसद कोइरालाले चुनावी अभियानलाई तीव्रता दिनुभएको छ । निर्वाचन आयोगले प्रचार प्रसार लगायतका कार्यक्रमहरु गर्न विहिबारदेखि खुल्ला गरेपछि कोइराला घरदैलो कार्यक्रममा व्यस्त बन्नुभएको हो ।
कोइरालालाई घरदैलो कार्यक्रममा स्थानीय रामधुनीबासीहरुले खादा, फुलमाला र अबीरले आ–आफ्नो घरमा स्वागत गर्नुभएको थियो । सुनसरी जिल्लामा नै राम्रो छवि बनाउनुभएका सफल नेता कोइरालालाई साथदिन उल्लेख्य रुपमा जनसहभागिता बढ्दै गइरहेको पाइएको छ ।
कोइराला प्रदेश एकका मुख्यमन्त्रीका दाबेदार हुनुहुन्थ्यो । तर सत्तारुढ गठबन्धनमा नेकपा एसका भागमा परेपछि कोइराला मुख्यमन्त्री बन्न सक्नुभएन् । अहिले चुनावी मैदानमा होमिनुभएका कोइरालाले जनतासँग भोट माग्दै आगामी प्रदेश एकको मुख्यमन्त्री बन्ने विश्वास व्यक्त गर्नुहुँदै मत माग्नमा व्यस्त हुनुभएको हो ।
सुनसरी क्षेत्र नम्बर–२ (ख) मा सत्तारुढ गठबन्धनमा नेपाली कांग्रेसको तर्फबाट राजीव कोइराला र नेकपा एमाले–जसपा गठबन्धनमा नेकपा एमालेको तर्फबाट रामप्रसाद मेहताबीच कडा प्रतिस्पर्धा हुने भएको छ ।
२०७४ को प्रतिनिधिसभा र प्रदेशसभा निर्वाचनमा सुनसरी–२(ख) बाट कोइराला निर्वाचित हुनुभएको थियो भने मेहता पराजित हुनुभएका थियो । आगामी मंसिर ४ गते हुने निर्वाचनमा पनि कोइराला र मेहताबीच पुनः कडा प्रतिस्पर्धा हुँदैछ । मेहताले पनि चुनावी अभियानसँगै जनताको घरदैलोमा व्यस्त बन्नुभएको छ ।
