इनरुवा । निर्वाचन आयोगले बिहिवारबाट घरदैलो कार्यक्रम सहित प्रचार प्रसार खुल्ला गरेपछि सुनसरी क्षेत्र नम्बर–४(ख)का उम्मेदवार हाजी इसराईल मंसुरीले घरदैलो अभियानलाई तीव्रता दिएका छन् । बिहीवार इनरुवा नगरपालिका वडा नम्बर–३ मा नेपाली कांग्रेसका उम्मेदवार हाजी मंसुरीले मुस्कान दिदै रुख छापमा मतदाताहरुलाई मतदान गर्न आग्रह गरेपछि अहिले उनको चर्चा व्यापक बढिरहेको छ ।
सत्तारुढ गठबन्धनमा नेपाली कांग्रेसको तर्फबाट सुनसरी–४(ख) मा उम्मेदवार बनेका हाजी मंसुरीको मत माग्न तरिकाबाट मतदाताहरु उत्साहित बनेका छन् । स्वच्छ छवि भएका र जनताप्रति उत्तरदायित्व भएका हाजी मंसुरीले मुस्कान दिँदै मतदाताहरुसँग मत मागेपछि अहिले निर्वाचन क्षेत्रमा उनको व्यापक चर्चा सुरु भएको हो ।
जनताको रोजाईमा पर्न सफल भएका मंसुरीलाई मतदाताहरुले पार्टी भन्दा पनि व्यक्तिलाई हेरेर मतदान गर्ने मतदाताहरुको बुझाई छ । उनलाई नेपाली कांग्रेसमा आवद्ध रहेका सर्वसाधारण र अन्य पार्टीमा आवद्धमा रहेका व्यक्तिहरुले पनि मतदान गर्ने भएका छन् । समाजमा लोकप्रियता कायम गरेका हाजी मंसुरीलाई आगमी मंसिर ४ गते हुने निर्वाचनमा रुख छापमा मतदान गर्ने भएकाले अहिले उनको पक्षमा राम्रो माहोल बनेको छ ।
मतदाताहरुसँग मत माग्न जाँदा हसिलो अनुहार र नम्र स्वभावबाट उम्मेदवार बनेर आएको र आप्mनो पक्षमा मतदान गरिदिन आग्रह गर्दै अहिले घरदैलो कार्यक्रममा व्यस्त भएका मंसुरी सबैको रोजाईमा परेपछि उनको जित सुनिश्चित भएको पनि चर्चा छ । मतदाताको घरमा पुग्ने गरेका नेपाली कांग्रेसका उम्मेदवार हाजी मंसुरीले ज्येष्ठ नागरिकसँग आर्शिवाद लिँदै जितको कामना गरिदिन पनि उनले मतदाताहरुलाई आग्रह गरेका छन् ।
सबैको माया, स्नेह र प्रेमले नै आपूm सत्तारुढ गठबन्धनमा नेपाली कांग्रेसको तर्फबाट टिकट पाएर उम्मेदवार बनेकोले आउँदो मंसिर ४ गते हुने निर्वाचनमा रुख छापमा मतदान गर्न उनले आग्रह गर्दै प्रचार प्रसारलाई तीव्रता दिएका हुन् ।
सुनसरी–४(ख)मा सत्तारुढ गठबन्धनमा नेपाली कांग्रेसको तर्फबाट हाजी इसराइल मंसुरी र नेकपा एमाले–जसपा गठबन्धनमा नेकपा एमालेको तर्फबाट हाजी अब्बास अन्सारीबीच कडा प्रतिस्पर्धा हुने भएपनि हाजी मंसुरीको जित सुनिश्चित हुने आममतदाताहरुको बुझाई छ ।
